Raica na iVakasala Vuku ena JW.ORG

E vakarautaki keda na Vosa ni Kalou meda vosota na veika dredre ena iotioti ni veisiga qo. (2Tm 3:1, 16, 17) Ia ena so na gauna ena rairai vinakati meda vaqara na ivakavuvuli vakaivolatabu ena ganita sara ga na keda ituvaki. Kena ivakaraitaki ke o itubutubu, vakacava o qara tiko na ivakasala me baleta na susu gone? O dua na itabagone e vakatovolei tiko na nomu vakabauta? Vakacava o lolositaka tiko nona takali na kemu isa? O na raica ena jw.org na ivukevuke ena dusimaki iko ena ivakavuvuli vakaivolatabu me yaga ena tikina qori kei na levu tale na ituvaki.—Vvb 2:3-6.

Mo tabaka na IVAKAVUVULI VAKAIVOLATABU. (Raica na iyaloyalo 1.) O na raica na duidui iwasewase, digia na kena o vinakata. Se tabaka na KA E VAKARAUTAKI > DUIDUI ULUTAGA qai digia na kena o vinakata. (Raica na iyaloyalo 2.) O na raica tale ga qori ena JW Library^®.a O na marautaka mo raica na ulutaga era tu kina. O rawa tale ga ni raica e dua na ulutaga ni o vakayagataka na kato ni vaqaqara ena jw.org.

Taipataka ena kato ni vaqaqara na ulutaga e tiko e ra qai vola na ulutaga o na via wilika.

• Susu gone

• Nodra lomabibi na itabagone

• Ni takali o kemu isa