Na cava e yaco ni dua e mate?

15 Ni dua e mate, e suka tale ena kuvunisoso. Sa sega tale ni qai kila e dua na ka.—Same 146:4

Era sega ni rawa ni vosa vei iko na tamata mate se ra cakava e dua na ka.—Dauvunau 9:5, 10

16 Era sega ni yalodina tiko ga vua na Kalou e levu na agilosi. E dau nodra ivalavala ena gauna oqo mera lasutaki keda meda vakabauta nira se bula tiko na wekada era sa mate.—Vakatekivu 6:1, 2; Juta 6

17 E sega gona ni vinakata o Jiova meda vakabauti ira na agilosi ca se agilosi talaidredre oqo, era vakatokai mera timoni.—Lako Yani 22:18; Vakarua 18:10, 11; 32:17

E sega ni vinakata meda vakaitavi ena cakacaka vakatevoro, vakadraunikau se vakacuru.—Kalatia 5:19-21