Vakalougatataka na Vuravura na Tui Vakalomalagi

41 Sa lumuti Jisu o Jiova me Tui mai lomalagi.—Aisea 9:6; Taniela 7:13, 14; Cakacaka 2:32-36

42 Ena lewa na vuravura taucoko.—Taniela 7:14; Maciu 28:18

43 O se nanuma na ka era na sotava na tamata ca?—Same 37:9, 10; Luke 13:5

44 O se nanuma na yaca ni imatai ni agilosi talaidredre? O Jisu ena vesuki koya kei ira na vo ni agilosi ca. Ena vakarusai na nodra matakau kei na ivakatakarakara.—Iperiu 2:14; Vakatakila 20:2, 10

45 Ena totoka vakaoti na veika e cakava o Jisu vei ira na tamata talairawarawa.—Iperiu 5:9

46 Sa na sega na tauvimate.—Aisea 33:24; Vakatakila 22:1, 2

O se nanuma nona dau vakabulai ira na tauvimate o Jisu?

47 Era na bula vakacegu na tamata kece.—Aisea 65:17, 21-23

48 Na Kalou e nanumi ira sara mada ga na mate. E lesi Jisu me vakabulai ira. Oqo na “tu cake tale” se na veivakaturi.—Joni 5:28, 29; 11:25

49 Nira sa vakarusai na tamata ca, sa na sega tale ni dua e mate. Na manumanu kila mada ga era na sega ni rerevaki. Ena tawamudu nodra marau na lewenivanua kece.—Vakatakila 21:4; Aisea 65:25; Same 37:11, 29