Wase e 37
Vakaceguya na Rarawa ni Dua na Yada ko Jisu
E SEGA soti ni dede mai na nona vakabulai na dauveiqaravi ni turaganivalu, sa lako sara yani ko Jisu ki Neini, e dua na koro ka 30 vakacaca na kilomita vaka ki na ceva-i-ra kei Kapenaumi. Era salavata yani kei koya na nona tisaipeli kei ira na lewe vuqa. Rairai sa yakavibogi me ra qai yacova yani na i bili kei Neini. Era sotava e ke e dua na i lakolako ni veibulu. E sa colati tani mai na koro na yagona e dua na cauravou me laki bulu.
E rui vakaloloma dina na i tuvaki i tina, me vaka ni yada ia, oqo duadua ga na luvena. Ena gauna sa mate kina na watina tagane, e vakacegui na lomana ni bau dua na luvena tagane. Na nona vakanuinui, nona gagadre kei na veika e daulalawataka era vauci kece tu ena vuku ni nona bula mai muri na luvena. Ia, oqo e sa sega tale ni dua me na veivakacegui koya. E bikai koya na rarawa levu ni ra salavata kaya na lewe ni koro ki na veibulu.
Ni sa raici yalewa ko Jisu, e tara na lomana na rarawa levu i yalewa. Ena yalololoma, ia ena rorogo ni domo ka solia na lomanuidei, e kaya vua ko Jisu: “Kakua ni tagi.” Na nona i valavala kei na ka e vakayacora e vesuki ira na lewe vuqa. Ni sa toro voleka yani sa qai tara na tavata ka colati tiko kina na yago ni mate, era sa qai tu vakadua o ira era colata. Sa ra vakananuma e lomadra o ira kecega na cava e sa vakarau kitaka oqo.
E dina ni lewe vuqa era salavata mai kei Jisu era sa raica oti ni ra vakabulai vakacakamana e lewe vuqa na tauvimate. Ia e kena i rairai ni se bera ni ra bau raici koya me vakatura cake mai e dua na tamata mate. E rawa li ni vakayacora o koya na ka vakaoqori? Ni vosa ki na yago mate, sa qai vakarota ko Jisu: “Ko iko na cauravou, au sa kaya vei iko, Tu cake.” Sa duri cake na tagane! Ka vakatekivu me vosa, sa qai soli koya yani ko Jisu vei tinana.
Ni ra sa raica o ira kecega ni sa bula dina na cauravou, sa vakatekivu me ra kaya: “Sa qai tubu cake vei keda e dua na parofita levu.” Era kaya na so: “A sa tale mai na Kalou kivei ira na nona tamata.” E sega ni bera ni sa kuruseti Jutia taucoko kei na yasayasa kecega sa vakavolivolita na i rogorogo ni cakacaka veivakurabuitaki oqo.
E se bala tu ga ena valeniveivesu ko Joni na Dauveipapitaiso, ka gadreva me kila e vuqa na ka me baleta na cakacaka e sa vakayacora tiko ko Jisu. Sa ra tukuna vei Joni na nona tisaipeli na veicakamana oqo. Na cava e qai sauma o koya? Luke 7:11-18.
▪ Na cava e yaco ni donumaki Neini yani ko Jisu?
▪ E luvuci Jisu vakacava na veika e raica, ia na cava e qai vakayacora?
▪ E vakacava na i tovo ni lomadra na tamata ena cakamana i Jisu?