Na Vuravura Parataisi

O Jiova ena vakavinakataka na ka ca kece e vakavurea o Setani. Sa buli Jisu o Jiova me Tui kei vuravura taucoko. Ena ruku ni nona veiliutaki, ena yaco me parataisi na vuravura.—Taniela 7:13, 14; Luke 23:43.

O Jiova e yalataka tu na veika oqo:

• LEVU NA KAKANA: “Ena qai vuataka na vuana ko vuravura; ena qai vakalougatataki keda na Kalou, io, na noda Kalou.” “Ena sa tu e vuravura e na dela ni veiulu-ni-vanua na sila e qumi rawarawa ga.”—Same 67:6; 72:16.

• SEGA TALE NA IVALU: “Dou mai raica na cakacaka i Jiova, ni sa ia na veivakarusai e loma i vuravura. Sa vakaotia nai valu mai nai yalayala kei vuravura.”—Same 46:8, 9.

• SEGA NA TAMATA CA: “Ni na muduki tani na daucaka ca . . . Malua mada vakalailai, ena qai takali na tamata ca; io, ko na vakananuma na nona yasana, ia sa na yali kina ko koya.”—Same 37:9, 10.

• 

  SEGA NA TAUVIMATE, RARAWA, SE MATE: “Ena qai rai na matadra na mataboko, ka rogo na daligadra na didivara. Ena qai ladelade na lokiloki me vaka na me kila, ka sere na yamedra na galu.”—Aisea 35:5, 6.

  “Ko koya na Kalou ena tiko vata kei ira, . . . Ia na Kalou ena tavoya tani kecega na wai-ni-mata mai na matadra; ia ena sega tale na ciba, se na rarawa, se na tagi, ka na sega tale na vutugu: ni sa takali tani na ka makawa.”—Vakatakila 21:3, 4.

E sega ni daulasulasu o Jiova me vakataki Setani kei ira nona timoni. Na ka kece e yalataka ena yaco dina ga. (Luke 1:36, 37) E lomani iko o Jiova, e vinakata mo bula ena Parataisi ena tauyavutaka. O koya gona mo veitaratara kei ira na iVakadinadina i Jiova mo vulica tale kina e levu na ka dina totoka e kune ena Vosa ni Kalou. Ke o bulataka na ka dina, o na sereki mai na ivesu ni vakabauta lasu, na rere vakalialia, kei na lecaika. Ia ena dua na siga, o sa na qai sereki mai na ivesu ni ivalavala ca kei na mate. Me vaka e kaya o Jisu: “Dou na kila na ka dina, ia na ka dina ena sereki kemudou.”—Joni 8:32.