Era Cata na ka ca na iTokani ni Kalou

E dau temaki keda o Setani meda cakava na ka ca. O koya e vinakata me itokani ni Kalou e dodonu me cata na ka e cata o Jiova. (Same 97:10) Oqo e so na ka era na cata na itokani ni Kalou:

Veiyacovi e cala. “Mo kakua ni ia na veibutakoci.” (Lako Yani 20:14) E cala tale ga ke veiyacovi e dua e se bera ni vakawati.​—1 Korinica 6:18, NW.

Mateni. O “ira na daumateni, . . . era na sega ni rawata na matanitu ni Kalou.”​—1 Korinica 6:10.

Laba, Vakalutu. “Mo kakua ni laba.”​—Lako Yani 20:13.

Butako. “Mo kakua ni butako.”​—Lako Yani 20:15.

Lasu. E cata o Jiova “na yame daulasu.”—Vosa Vakaibalebale 6:17.

iTovo Kaukaua kei na Cudru Katakata. O “koya sa vinakata nai valavala kaukauwa, sa cati koya [o Jiova].” (Same 11:5) “Na cakacaka ni tovo vakayago [e okati kina], . . . na daucudrucudru.”​—Kalatia 5:19, 20.

Veimauilavo. “Dou kakua ni dautiko vata kei na dua sa . . . daukocokoco.”​—1 Korinica 5:11.

Veicati Vakaduikaikai kei na Veicati Vakayavusa. “Caka vinaka vei ira sa cati kemudou, ka masulaki ira sa . . . vakacacani kemudou.”​—Maciu 5:43, 44.

Na veika e tukuna vei keda na Kalou eda na vinaka ga kina. E sega ni dau ka rawarawa tu ga meda kua ni caka ca. Ia, ena veivuke i Jiova kei ira na nona iVakadinadina, ena rawa ni o cata tale ga na veika e cata na Kalou.​—Aisea 48:17; Filipai 4:13; Iperiu 10:24, 25.