LESONI 10
Era na Vakalougatataki Vakacava o Ira na Vakarorogo Vua na Kalou?
Era na vakaturi e vuravura e levu vei ira na mate. Cakacaka 24:15
Raitayaloyalotaka mada na nomu vakalougatataki ena gauna se bera mai ni o vakarorogo vei Jiova! O sa na bula uasivi, ena sega na tauvimate se vakaleqai na ituvaki ni yago. Era sa na bula ga na tamata vinaka o qai rawa ni nuitaki ira kece.
Sa na sega na rarawa, na mosi, se tagi, na qase kei na mate.
O na bula vata kei ira na nomu itokani kei na nomu vuvale. Sa na totoka dina na bula ena Parataisi.
Ena sega ni leqataki e dua na ka. Sa na vakilai na marau dina.