iKau ni iWasewase 8

E vakalougatataki Solomoni o Jiova ni vakavukui koya vakalevu, e lesi koya tale ga me tara na valenisoro. Toso na gauna e qai biuti Jiova. Ke o itubutubu, vakamacalataka vei luvemu nodra uqeti Solomoni o ira na lotu butobuto me kua ni qarava na Kalou dina. E wase rua na matanitu, era liutaka na tui ca na vukitani kei na qaravi matakau. Ena gauna qori, era vakararawataki ra qai vakamatei e levu na parofita yalodina i Jiova. Sa qai uqeta ga vakalevu o Ranadi Jesepeli na vukitani ena matanitu ena vualiku. Qo e gauna dredre dina ena kedra ivolatukutuku na Isireli. Ia e levu tale ga na Isireli era yalodina tiko ga vei Jiova, wili kina o Tui Josafati kei na parofita o Ilaija.