LESONI 12
Mo Vulica Tiko ga na iVolatabu
E yaga vakalevu noda vulica na iVolatabu. Ia e sega ni dau rawarawa. Eso na gauna o nanuma me sa cegu na vuli. Ia na cava e vinaka kina me toso tiko ga nomu vuli? Cava ena vukei iko?
1. Na cava na yaga ni vuli iVolatabu?
“E bula na vosa ni Kalou qai kaukaua.” (Iperiu 4:12) E yaga na iVolatabu ni vakaraitaka na nona nanuma na Kalou kei na nona rai me baleti iko. O na rawata kina na kilaka, na vuku dina kei na inuinui. Koya e bibi sara, ena vukei iko na iVolatabu mo itokani i Jiova. Ni o vulica na iVolatabu, o sa vakalaiva sara tiko ga me veisautaka nomu bula.
2. Na cava e bibi kina mo kila na yaga ni ka dina?
Na ka dina ena iVolatabu e vaka na iyau talei. Oya na vuna e uqeti keda kina meda ‘volia na ka dina, meda kua ni volitaka.’ (Vosa Vakaibalebale 23:23) Ni matata tiko vei keda na yaga ni ka dina vakaivolatabu, eda na saga tiko ga me tomani na vuli se mani ituvaki cava eda sotava.—Wilika Vosa Vakaibalebale 2:4, 5.
3. Ena vukei iko vakacava o Jiova mo tomana tiko ga nomu vuli?
Ni Dauveibuli kaukaua o Jiova qai nomu iTokani, ena vukei iko mo kilai koya, ‘mo kua ni vinakata wale ga, mo cakava sara ga.’ (Wilika Filipai 2:13.) Ena uqeti iko mo taleitaka na vuli se mo muria na ka o vulica tiko. Ena vakaukauataki iko tale ga mo vosota na veivakatovolei se veitusaqati. Mo dau masuti Jiova me vukei iko mo tomana tiko ga nomu vuli.—1 Cesalonaika 5:17.
VAKEKELI
Dikeva na sala mo vulica tiko ga kina na iVolatabu ni o osooso se ni o tusaqati kei na sala ena tokoni iko kina o Jiova.
4. Me bibi duadua vei iko nomu vuli iVolatabu
Eso na gauna na levu ni noda osooso, e sega kina na gauna ni vuli. Na cava meda cakava? Wilika Filipai 1:10, qai veivosakitaka na taro qo:
Na cava eso na ka o raica me ‘veika e bibi’?
Na cava mo cakava mo raica kina vakabibi nomu vuli?
Ke o vakasinaita na vokete ena nuku, qai biuta yani na vatu, ena sega ni tawa kece na vatu
Ia ke o biuta e liu na vatu qai muri yani na nuku, ena tawa vinaka na nuku. Ke o vakaliuca tale ga na “veika era bibi sara,” o na rawa ni vakaotia vinaka qai tiko tale ga na gauna mo qarava eso tale na ka
Nida vulica na iVolatabu ena vakaceguya noda bula vakayalo, qori noda kila na Kalou kei na noda qaravi koya. Wilika Maciu 5:3, qai veivosakitaka na taro qo:
Nida raica vakabibi noda vuli iVolatabu, ena yaga vakacava vei keda?
5. Vosota ni o tusaqati
Eso na gauna, era na vakayalolailaitaki iko eso mo kua ni vulica na iVolatabu. Dikeva na ivakaraitaki i Francesco. Sarava na VIDIO, qai veivosakitaka na taro tarava.
Ena vidio, na cava eratou cakava na itokani nei Francesco kei na nona vuvale ni tukuna vei ratou na ka e vulica tiko?
E yaga vakacava na nona vosota?
Wilika 2 Timoci 2:24, 25, qai veivosakitaka na taro qo:
Na cava era kaya nomu vuvale kei nomu itokani ena veika o vulica tiko?
Ena tikinivolatabu qo, na cava mo cakava ke dua e sega ni taleitaka nomu vuli? Na vuna?
6. Nuitaki Jiova me vukei iko
Na levu ga ni noda volekati Jiova, na levu tale ga ni noda via vakamarautaki koya. Ia se dredre tiko ga meda veisautaka na noda ivakarau ni bula me salavata kei na nona ivakatagedegede. Ke va qori na nomu rai, kua ni soro. O Jiova ena vukei iko. Sarava na VIDIO, qai veivosakitaka na taro qo.
Ena vidio, na veisau cava e cakava o Jim me vakamarautaki Jiova?
Na cava o taleitaka ena nona ivakaraitaki?
Wilika Iperiu 11:6, qai veivosakitaka na taro qo:
Na cava ena cakava o Jiova vei ira na “vakasaqarai koya ena yalogu,” qo o ira na saga vagumatua mera kilai koya qai vakamarautaki koya?
Na cava o vulica kina me baleti Jiova ni raica na nomu sasaga mo vulica na iVolatabu?
KA ERA KAYA ESO: “Na cava o vulica tiko kina na iVolatabu?”
O na sauma vakacava?
KA O VULICA
E sega ni rawarawa na vuli iVolatabu, ia o na vakila kina na marau me tawamudu. Nuitaki Jiova tiko ga ena qai vakaicovitaki iko.
Railesuvi
Na cava e talei kina vei iko na ka dina vakaivolatabu?
O na vakadeitaka vakacava “na veika era bibi sara”?
Na cava mo kerei Jiova kina mo tomana tiko ga nomu vuli?
IKURI
Dikeva e va na ka e vukei ira e levu mera vakayagataka vinaka nodra gauna.
“O na Vakayagataka Vakacava Nomu Gauna?” (Yadra!, Feperueri 2014)
Dikeva nona vukea e dua na marama o Jiova, ni sega ni kila o watina na nona sasaga me vakamarautaka na Kalou.
Vakaukauataki Keda o Jiova Meda Colata Noda iColacola (5:05)
Raica na kena yaga vua e dua na turaga na vosota nei watina.
Era beitaki ena so na gauna na iVakadinadina i Jiova nira vakaleqa na vuvale. Vakacava e dina ya?
“Era Dau Vakaleqa na Vuvale na iVakadinadina i Jiova se ra Vaqaqacotaka?” (Ulutaga ena jw.org)