Mo Kauai

Ka e Cakava o Jisu

VIDIO: O Jisu kei na Yalewa ena Yasa ni Toevu

1. Sarava na VIDIO, se wilika Joni 4:6-9 qai sauma na taro qo:

1. Na cava e raica rawa o Jisu vua na yalewa ni bera ni tekivutaka na veivosaki?

2. E kaya o Jisu: “Rawa ni dua na mequ?” Na cava e laulau kina na iwalewale qori me tekivu kina na veivosaki?

Na Cava Eda Vulica Vei Jisu?

2. Ena rawa ni toso vinaka na veivosaki ke da tekivutaka ena ulutaga e taleitaka o koya drau veitalanoa tiko.

Vakatotomuri Jisu

3. Tu vakarau ni veisau. Kua ni usuraka yani e dua na ulutaga o nanuma tiko. Mo tekivu ena ka era kauaitaka eso tale ena siga ya. Mo taroga:

1. ‘Na itukutuku cava e kacivaki ena nius?’

2. ‘Na cava era dau veitalanoataka o ira keimami tiko veitikivi, cakacaka vata se vuli vata?’

4. Mo vakadidike. Mo taroga:

1. ‘Na cava e cakava tiko? Na cava ena rairai vakasamataka tiko?’

2. ‘Na cava au kila me baleta na nona vakabauta se nona itovo vakavanua niu raica na nona isulusulu, na kena irairai, se na nona vale?’

3. ‘E gauna vinaka qo meu vosa kina vua?’

5. Vakarorogo.

1. Kua ni vosa vakalevu.

2. Uqeti koya me vosa mai. Ke veiganiti, taroga eso na taro.