LESUVI IRA
LESONI 7
Kua ni Soro
iVakavuvuli Vakaivolatabu: “Eratou sega ni cegu ena nodratou veivakavulici kei na nodratou vunautaka na itukutuku vinaka.”—Caka. 5:42.
Ka e Cakava o Paula
1. Sarava na VIDIO, se wilika Cakacaka 19:8-10, qai sauma na taro qo:
A rawa ni soro o Paula ni tusaqati koya eso, ia e vukei ira tiko ga vakacava na tataleitaki?
E lesuvi ira vakavica na tataleitaki o Paula, e vakacava na kena dede?
Na Cava Eda Vulica Vei Paula?
2. E vinakati na sasaga kei na gauna me rawa ni laulau noda veisikovi lesu, qai tekivutaki na vuli iVolatabu.
Vakatotomuri Paula
3. Veisautaka nomu ituvatuva me ganiti ira na tataleitaki. Mo taroga: ‘Na gauna cava keirau na sota kina? Na gauna kei na vanua cava ena donu vua?’ Mo yalorawarawa ni lesuvi koya ke sega mada ga ni gauna veiganiti vei iko.
4. Lokuca na gauna. Ni oti nomudrau veitalanoa, lokuca na gauna mo drau qai veitalanoa tale kina. Mo lako dina ena gauna qori.
5. Me donu tiko ga nomu rai. Ni lala tu na vale, se ni dua e osooso, kua ni tinimaka totolo ni sega ni tataleitaki o koya. (1 Kor. 13:4, 7) Kua ni soro ni lesuvi koya, mo vakayagataka vinaka ga nomu gauna.—1 Kor. 9:26.