Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • w03 1/15 t. 21
  • Taro na Dauwiliwili

Sega na kena vidio.

Vosota, sega ni laurai rawa na vidio.

  • Taro na Dauwiliwili
  • Na Vale ni Vakatawa Kacivaka na Matanitu i Jiova—2003
  • iKuri ni Ulutaga
  • Taro na Dauwiliwili
    Na Vale ni Vakatawa Kacivaka na Matanitu i Jiova (Vulici)—2022
  • Liwava na Cagi ni Veisau, Na Vosa ni Bubului Makawa
    Yadra!—2004
  • O Dau Dina ena Nomu Vosa ni Yalayala?
    iVola ni Soqoni—Noda Bula vaKarisito kei na Cakacaka Vakaitalatala—2017
  • Talairawarawa Vua na Kalou mo Marautaka na ka e Bubuluitaka
    Na Vale ni Vakatawa Kacivaka na Matanitu i Jiova—2012
Raica Tale Eso
Na Vale ni Vakatawa Kacivaka na Matanitu i Jiova—2003
w03 1/15 t. 21

Taro na Dauwiliwili

E vakaivolatabu beka ke dua na lotu Vakarisito e taura na iVolatabu ni vosa bubului ena mataveilewai?

Na tikina oqo ena dui vakatulewa ga kina na tamata yadua. (Kalatia 6:⁠5) Ia, na iVolatabu e sega ni vakacala na vosa bubului ena mataveilewai.

Na vosa bubului e dua na ivakarau e sa dau ciqomi raraba tu mai vakadede. Me kena ivakaraitaki, o ira na kai Kirisi ena gauna makawa, era dau laveta i lomalagi e dua na ligadra se ra tara na icabocabonisoro nira vosa bubului. Ni vosa bubului e dua na lewe ni jury ni Roma, ena qumia i ligana e dua na vatu qai kaya: “Vei Jupita [na kalou] na ivakabula ni noda koro kei na kena baivatu, keu nakita meu na tukutuku vakailasu, mo qai kolotaki au laivi mai na veika vinaka, me vaka na noqu kolotaka na vatu oqo.”​​—⁠Cyclopedia of Biblical, Theological, and Ecclesiastical Literature, rau vola o John McClintock kei James Strong, Volume VII, tabana 260.

E vakaraitaka oqo nira malele na kawatamata ina vakasama ni bula tiko e dua na Kalou, o koya e dau vakaraici ira, ra na qai saumitaro tale ga vua. Ena veigauna makawa, era kila na dauveiqaravi dina i Jiova ni kila vinaka tu o koya na ka era tukuna kei na ka era cakava. (Vosa Vakaibalebale 5:​21; 15:⁠3) Era dau vosa bubului me vaka era cakava tiko ena mata ni Kalou, se ra cavuti koya me nodra ivakadinadina. Me kena ivakaraitaki, a vakayacora oqo o Poasa, Tevita, Solomoni, kei Setekaia. (Ruci 3:​13; 2 Samuela 3:​35; 1 Tui 2:​23, 24; Jeremaia 38:16) Era dau vakadonuya tale ga na dauveiqaravi dina ni Kalou mera vosa bubului ke ra vakaroti mera kitaka vaka kina. A yaco oqo vei Eparama kei Jisu Karisito.​​—⁠Vakatekivu 21:​22-​24; Maciu 26:​63, 64.

So na gauna ni vosa bubului e dua ena mata i Jiova ena vakayagataka tale ga o koya na ligana. O Eparama (qai vakatokai e muri me o Eparaama) a tukuna vei tui Sotoma: “Au sa dulaka oti na ligaqu vei Jiova, na Kalou Cecere Sara, ko koya sai taukei kei lomalagi kei vuravura.” (Vakatekivu 14:22) Nona vosa tiko e dua na agilosi vua na parofita o Taniela a qai “dulaka ko koya na ligana i matau kei na ligana i mawi ki lomalagi, ka bubului, ka cavuti Koya sa bula ka sega ni mudu.” (Taniela 12:⁠7) Na Kalou sara mada ga a tukuni ni a laveta na ligana vakaivakatakarakara ni vosa bubului.​​—⁠Vakarua 32:40; Aisea 62:⁠8.

E sega gona ni vakacala na iVolatabu na vosa bubului. Ia, ena sega ni gadrevi vua na lotu Vakarisito me vosa ni bubuluitaka na ka kece e via tukuna. Ni a kaya o Jisu: “Ia me io, na io, me sega, na sega, na nomudou vosa.” (Maciu 5:​33-​37) E tauvata na ka e kaya na tisaipeli o Jemesa. Ni a tukuna “kakua sara ni bubului,” e vakarota tiko me kua na dau bubului tu ga vakaveitalia. (Jemesa 5:​12) E sega ni tukuna o Jisu se o Jemesa ni cala na vosa bubului ena mataveilewai.

O koya gona, vakacava ke kerei e dua na lotu Vakarisito me vosa bubuluitaka na dina ni nona itukutuku? Ena rairai nanuma ni rawa vua me vosa bubului. Ke sega, rairai ena vakadonui me solia e dua na kena ivakadinadina ni sega ni lasu na nona itukutuku.​​—⁠Kalatia 1:​20.

Ke vakarota na mataveilewai me laveti na liga se tauri na iVolatabu ni caka na vosa bubului, ena rairai talairawarawa beka kina e dua na lotu Vakarisito. De dua ena vakasamataka na kedra ivakaraitaki vakaivolatabu e so era laveta na ligadra nira vosa bubului. Ia na ka me nanuma, ni bibi cake sara na nona vosa bubului tiko vua na Kalou me tukuna na ka dina, e sega ni nona laveta na ligana qai vosa bubului. E dodonu me raici vakabibi na vosa ni bubului vaka oqo. Ena ituvaki oqo, ke dua na lotu Vakarisito e nanuma ni na dodonu qai rawa me sauma na taro e tarogi vua, ena vinaka me vakasamataka tiko ni sa vosa ni bubuluitaka oti ni na tukuna na ka dina. Ni oqori sara ga na ka e dodonu me dau tukuna e dua na lotu Vakarisito ena veigauna kece.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta