O se Nanuma Tiko?
O taleitaka na ka o wilika ena itabataba ni Vale ni Vakatawa era se qai tabaki oti ga? Raica mada ke o rawa ni sauma e vica na taro qo:
• Na bula dredre cava era vakila e so na lotu vaKarisito ena gauna era sa vakawati kina? Na sasaga cava mera cakava?
Era na rairai liaca e so na lotu vaKarisito ni sega ni ganiti ira na watidra, oya ni duidui sara na ka era taleitaka. Ia era kila ni sega ni dodonu me drotaki na bula dredre va qori ena kena sagai na veisere e sega ni yavutaki vakaivolatabu. O koya gona, era na saga tiko ga ena nodra igu taucoko mera taqomaka nodra ivau ni vakawati.—4/15, tabana e 17.
• Na veika dredre cava era rairai sotava na lotu vaKarisito era tiko ena vale ni malumalumu?
De dua, e sega ni veikilai kei ira na mataveitacini ena ivavakoso e qarava na yalava e tiko kina na vale ni malumalumu. Era na rairai tiko tale ga ena vale ni malumalumu ya o ira e duidui nodra vakabauta, era na rairai vakasaurarataki ira na itabaqase lotu vaKarisito mera vakaitavi ena nodra lotu. Ena bibi gona mera kila na wekadra lotu vaKarisito kei ira na lewe ni ivavakoso ena yalava ya, na ituvaki dredre era sotava tiko na itabaqase, mera vakacegui ira, veitokoni tale ga.—4/15, tabana e 25-27.
• Na cava e va na sala me wali kina na leqa ena bula vakawati?
Tuvanaka na gauna me veivosakitaki kina na leqa. (Dauv. 3:1, 7) Vakaraitaka vakadodonu na nomu rai ena veidokai. (Efeso 4:25) Rogoca qai kauaitaka na rai i watimu. (Maciu 7:12) Duavata ena iwali ni leqa, qai veitokoni tale ga. (Dauv. 4:9, 10)—5/1, tabana e 10-12.
• Me vaka e tukuna o Jisu ena nona masu, na cava e okati ena noda caka vinaka tiko ga?
Me vaka e tukuna o Jisu ena Maciu 6:12, (VV), e okati kina na noda vosota vakayalololoma e dua e ivalavala ca vei keda. E dodonu meda vakatotomuria na Kalou ena noda dau veivosoti.—5/15, tabana e 9.
• Na komiti cava so era veiqaravi kina na lewe ni iLawalawa Dauvakatulewa?
Komiti ni Kodineita; Komiti ni Lewe i Peceli; Komiti ni Tabaivola; Komiti ni Cakacaka; Komiti ni Veivakavulici; Komiti ni Volavola.—5/15, tabana e 29.
• Na ivalavala e tukuni tiko ena Roma 1:24-32 e vakaibalebaletaki beka vei ira na Jiu se o ira na kai Matanitu Tani?
E rawa sara ga ni baleti ira na Jiu kei ira na kai Matanitu Tani, ia a dusi ira tiko ga vakatabakidua na Isireli era vukitani o Paula. Era kila vinaka tu na lewadodonu ni Kalou, ia era sega ga ni muria.—6/15, tabana e 29.
• Na cava eda marau kina vakalevu ni vakarauta ga na ka eda namaka?
Kevaka eda tekia e so na isausau e dredre sara, eda na lomaocaoca dina ga. Ena yasana adua, meda kua ni yalorawarawa vakasivia, se meda vakaiulubaletaka na noda malumalumu meda vakawaletaka kina na cakacaka vakaitalatala vaKarisito.—7/15, tabana e 29.