Toro Voleka Vua na Kalou

‘Mo Keveta na Luvemu’

2 TUI 4:​8-37

E DUA na ka e dau vakavuna vakalevu duadua na rarawa, na nona mate e dua na gone. E tu vua na Kalou o Jiova na kaukaua me vakaotia kina na rarawa qori. Eda vakadeitaka qori ni a vakaukauataki ira e vica na tagane ena gauna vakaivolatabu mera vakaturi ira na mate. Kena ivakaraitaki e tukuni ena 2 Tui 4:​8-37 ni a vakabula mai na mate e dua na gonetagane lailai na parofita o Ilaisa.

E tekivu na italanoa qori ena siti o Sunemi. E rau caka vinaka vei Ilaisa e dua na veiwatini e rau sega ni vakaluveni, e rau dau vakarautaka na kena kakana kei na nona icili. Ni vakavinavinakataka qori na parofita, a tukuna kina ena dua na siga vua na marama: “E na gauna vakaoqo, e na yabaki kadua, ko na mokota e dua na luvemu tagane.” A nanuma na marama oya ni na sega ni vakaluveni, ia a qai dua na luvena tagane me vaka ga a tukuna o Ilaisa. Ia e marau ga vakalekaleka baleta ni oti e vica na yabaki a mosi na ului gonetagane ni cakacaka tiko ena were mani keveti i vale, a mate ni ‘tenei koya toka o tinana.’ (Tikina e 16, 19, 20) The prophet approaches Jehovah with what must be an intensity of supplication. Then, as Elisha holds the lit) E rarawa dina o tinana, e keveti luvena lai vakadavori koya sara ena idabedabe balavu e dau moce kina na parofita.

A vakadonuya o watina me lai raici Ilaisa, a sega tale ga ni bera nona goleva e rauta na 30 na kilomita ina ulunivanua o Kameli e tiko kina o Ilaisa. Ni rau sota kei na parofita, e sega ni tagiyaso se cakava eso tale na ka me kilai kina na levu ni nona rarawa. De dua sa rogoca ni a vakabula na luvena tagane e dua na yada o Ilaija na isosomi kei Ilaisa. (1 Tui 17:​17-23) A rairai vakabauta na marama ni Sunemi ni na rawa ni cakava tale ga qori o Ilaisa vua na nona gonetagane lailai. Se mani cava na vuna e gole kina vei Ilaisa, e sega ni via lesu i vale vakavo ke rau lesu vata kei na parofita.

Ni rau yaco i Sunemi, e curu duadua o Ilaisa ina rumu e dau moce kina, e raica ni sa davo matemate toka ena ‘nona idabedabe balavu’ o gonetagane lailai. (Tikina e 32) The prophet approaches Jehovah with what must be an intensity of supplication. Then, as Elisha holds the lit) Kena irairai ni a masu vagumatua na parofita vei Jiova. E ‘katakata mai vakamalua na yagoi gone’ ni tarai koya o Ilaisa. Sa tavatukituki tale na nona uto! E kacivi tinana sara o Ilaisa qai tukuna vua na ka ena vukica nona rarawa me marau levu: ‘Mo keveta na luvemu.’​—Tikina e 34, 36

E ivurevure ni vakacegu kei na inuinui na italanoa ni nona vakaturi na luvenatagane na marama ni Sunemi. E kila o Jiova na rarawa era vakila na itubutubu e takali na luvedra. Koya e bibi sara, e vinakata me vakaotia na rarawa qori. (Jope 14:​14, 15) Na veivakaturi a cakava o Ilaisa kei na so tale ena gauna vakaivolatabu e ivakaraitaki ga ni ka ena cakava o Jiova ena kena ivakatagedegede levu cake ena vuravura vou.a

Na inuinui ni veivakaturi ena iVolatabu e sega ni kauta laivi na rarawa e vakilai ni mate e dua eda lomana. E kaya e dua na tagane lotu vaKarisito yalodina ni takali na luvena duabau ga: “Ena qai seavu vakadua noqu rarawa niu sa mokoti luvequ tale.” Vakasamataka mada, o rawa ni sotavi ira tale na wekamu lomani era sa takali. O na vosota na rarawa o vakila ena gauna qo ke o dau vakasamataka ni o rawa ni mokoti ira tale ena dua na gauna. O via kila e levu tale na ka me baleta na Kalou e yalataka vei keda na inuinui totoka qori?

[iVakamacala e ra]