Ra iTabagone

Nona Vakabulai e Dua na Vukavuka!

iVakamacala: Cakava na vuli qo ena dua na vanua vakanomodi. Ni o wilika na veitikinivolatabu, tovolea mo biuti iko sara ga ena ituvaki o wilika tiko, raitayaloyalotaka, rogoca na vosa e tau, saga tale ga mo vakila na ivakarau ni yalodra era talanoataki kina, me vaka sara ga ni yaco tiko.

iTalanoa me baleti: Neamani, Ilaisa, kei na dua na goneyalewa ni Isireli e sega ni kilai na yacana

iVakamacala lekaleka: A vakatura na goneyalewa ni Isireli vei Neamani, na kavetani ni mataivalu ni Siria me lai raici Ilaisa me vakabulai kina mai na mate rerevaki e tauvi koya tu.

1 VAKASAMATAKA NA KA E YACO.​—WILIKA 2 TUI 5:​1-19.

Na goneyalewa lailai ni Isireli qo a kau tani mai na nona vuvale eratou dau rerevaka na Kalou, na ivakarau ni yalo cava a rairai vakila o koya?

_______

Na cava e vakavuna na rarawa i Neamani​—na turaga qaqa qai tauvi koya tu e dua na mate vakaloloma?

_______

Na ivakarau ni yalo cava e vakilai ena nodratou veivosaki o Neamani kei ira na nona dauveiqaravi ena tikina e 11 me yaco ina 13?

_______

Ni o wilika na itekitekivu ni tikina e 15, na cava a veisau kina na lomai Neamani?

_______

2 VAKEKELI.

Na cava soti a rawa ni vakavuna na dokadoka i Neamani? (Wilika tale na tikina e 1.)

_______

Mai na ivola eso o rawa ni vakekeli kina, raica na ivakamacala me baleta na vukavuka ena gauna vakaivolatabu.a (Me kena ivakaraitaki, e mate rerevaki vakacava qo? E dau dewa? Na cava na kena iwali?

_______

E tarai koya vakacava na goneyalewa lailai ni Isireli na nona vakabulai o Neamani?

_______

Na sala cava a rairai vakatovolei kina o Neamani ena vuku ni ka a kaya o Ilaisa? (Raica tikina e 10.)

_______

3 BULATAKA NA KA O VULICA. VOLA NA KA O VULICA ME BALETA NA . . .

Ca ni dokadoka.

_______

Nomu doudou ni tukuna na nomu vakabauta.

_______

Kaukaua i Jiova e rawa ni veivakabulai kina.

_______

4 TIKINA CAVA ENA ITALANOA QO E YAGA VEI IKO, CAVA NA VUNA?

_______

KE SEGA NI DUA NA NOMU IVOLATABU, KEREI IRA NA IVAKADINADINA I JIOVA SE WILIKA ENA WEB SITE www.pr2711.com

[iVakamacala e ra]