Dua Tale na Lewe ni iLawalawa Dauvakatulewa

A kacivaki vei ira na lewe ni vuvale ena Peceli mai Merika kei Kenada ena mataka ni Vukelulu, 5 Seviteba, 2012, ni sa dua tale na lewe ni iLawalawa Dauvakatulewa vou ni iVakadinadina i Jiova. Na nona veiqaravi ena ilawalawa qori o Mark Sanderson a tekivu ena 1 Seviteba, 2012.

Erau susugi Brother Sanderson na nona itubutubu vaKarisito e San Diego, Kalifonia, Merika, a qai papitaiso ena 9 Feperueri, 1975. A tekivu painia e Saskatchewan, Kenada ena 1 Seviteba, 1983. Ena Tiseba 1990, a vakacavara kina na nona vuli ena ikavitu ni kalasi ni Koronivuli ni Vuli Veiqaravi Vakaitalatala e Merika (sa vakatokai nikua me Koronivuli ni Vuli iVolatabu ni Tagane Dawai). A lesi o Brother Sanderson ena Epereli 1991 me painia lavotaki ena yanuyanu o Newfoundland, Kenada. A dau veisosomitaki tu ena veiqaravi vakaivakatawa ni tabacakacaka, oti a qai sureti me lewe ni vuvale ena Peceli e Kenada ena Feperueri 1997. Ena Noveba 2000, a lesi ena valenivolavola ni tabana e Merika me lai veiqaravi ena Tabana ni iTukutuku ni Valenibula kei na Tabana e Qarava na Cakacaka.

Ena Seviteba 2008, a sureti o Brother Sanderson ena nodra Koronivuli na Lewe ni Komiti ni Tabana, oti a lesi sara me lewe ni Komiti ni Tabana ena Yatu Filipaini. A sureti ena Seviteba 2010 me lesu i Merika, me lai veivuke ena Komiti ni Cakacaka ni iLawalawa Dauvakatulewa.