SAUMI NA TARO VAKAIVOLATABU

Erau na marau vakacava na veiwatini?

Me rau marau na veiwatini, e bibi me rau muria na ivakasala ena iVolatabu ni vakavuna o Jiova na kena volai, e tauyavutaka tale ga na bula vakawati. Ena vakavulici rau ena itovo me rau marautaka kina na bula vakawati kei na rai ena rawa ni vakaleqa. E vakavulici rau tale ga ena iwalewale ni veivosaki me rau marau tiko ga kina.​—Wilika Kolosa 3:​8-10, 12-14.

Me rau saga na veiwatini me rau veirokovi rau qai veidokai. Erau na marau ke rau cakava na nodrau itavi lesi vakalou ena bula vakawati.​—Wilika Kolosa 3:​18, 19.

Ena dei vakacava na vakawati?

Ke rau veilomani na veiwatini ena rawa ni dei na nodrau vakawati. E vakavulici keda na Kalou meda dau veilomani. Erau ivakaraitaki uasivi o Jiova kei Luvena ena nodrau vakaliuliu ni vakaraitaka na loloma.​—Wilika 1 Joni 4:​7, 8, 19.

Ke rau doka na veiwatini na ituvatuva ni Kalou erau na saga me dei tiko ga na nodrau vakawati. Na inaki ni Kalou me rau dina tiko ga ena nodrau veidinadinati, me rawa ni taqomaki kina na vuvale. Ni buli rau na tagane kei na yalewa na Kalou me rau dauveivukei qai veivakacegui, e kena ibalebale ni rawa ni dei na nodrau vakawati. Erau a buli tale ga me rau vakatotomuria na nona dau loloma na Kalou.​—Wilika Vakatekivu 1:27; 2:​18, 24.

iKuri ni ivakamacala, raica na wase 14 ni ivola qo, Na Cava Sara Mada e Kaya na iVolatabu?, tabaka na iVakadinadina i Jiova

E rawa ni download ena www.pr2711.com

[iYaloyalo ena tabana e 16]

Na iwalewale ni veivosaki cava erau na marau kina na veiwatini?