SAUMI NA TARO VAKAIVOLATABU

E tiko na nodra inuinui na mate?

Na mate e vaka ga nida mocelutu, eda sega ni vakila e dua na ka. Ia e rawa vua na Dauveibuli me vakabulai ira tale na mate ena nona vakaturi ira. E vakadinadinataka qori ena nona solia vei Jisu na kaukaua me veivakaturi.​—Wilika Dauvunau 9:5; Joni 11:​11, 43, 44.

O ira kece na mate qai nanumi ira tu na Kalou era na vakaturi ena vuravura vou ni yalododonu, me vaka ga e yalataka. Kena ibalebale na Kalou ga ena rawa ni vakaturi ira ena nona gauna lokuci. E vinakata sara ga na Kalou Kaukaua Duadua me vakayagataka na nona kaukaua me vakaturi ira na mate.​—Wilika Jope 14:​14, 15.

Ena vakacava na kedra ituvaki o ira era sa vakaturi?

Ni veivakaturi na Kalou, o ira mada ga na vakaturi ena sega ni veisau na kedra irairai, era na kilai ira nodra itokani, kei ira nodra lewenivuvale. Sa na vuca beka na yagodra makawa, ia e rawa vua na Kalou me vakaturi ira ena dua tale na yago vou.​—Wilika 1 Korinica 15:​35, 38.

E le vica ga era na vakaturi mera lai bula i lomalagi. (Vakatakila 20:6) E levu era na vakaturi mera bula ga ena parataisi e vuravura. Ena tekivu vou tale na nodra bula, qai nodra inuinui mera bula tawamudu.​—Wilika Same 37:29; Cakacaka 24:15.

Me ikuri ni ivakamacala raica na wase 6 kei na 7 ni ivola qo, Na Cava Sara Mada e Kaya na iVolatabu, tabaka na iVakadinadina i Jiova

E rawa ni download ena www.jw.org

[iYaloyalo ena tabana e 16]

Sala cava e tautauvata kina na mate kei na moce?