CAVA E KAYA NA IVOLATABU?

Cava e yaco nida sa mate?

ESO ERA VAKABAUTA nida na dewa meda dua tale na ka bula, eso tale era nanuma ni sa itinitini ni ka kece na mate. Na cava o vakabauta?

KA E KAYA NA IVOLATABU

“O ira na mate era sega sara ga ni kila e dua na ka.” (Dauvunau 9:5) Nida mate, sa sega tale nida bula tiko.

SO TALE NA KA EDA VULICA ENA IVOLATABU

• A suka tale ina kuvuniqele na imatai ni tamata o Atama ni sa mate. (Vakatekivu 2:7; 3:19) Era na suka tale ina kuvuniqele o ira na sa mate.—Dauvunau 3:19, 20.

• O ira na mate e sa bokoci, se vosoti nodra ivalavala ca. (Roma 6:7) Nira mate sa sega tale nira totogitaki tiko ena vuku ni nodra cala.

Era rawa ni bula tale na mate?

CAVA O NA KAYA?

• Io

• Sega

• De dua

KA E KAYA NA IVOLATABU

‘Ena yaco na veivakaturi.’​—Cakacaka 24:15.

CAVA TALE EDA RAWA NI VULICA ENA IVOLATABU?

• Na iVolatabu e dau vakatauvatana na mate ina moce. (Joni 11:11-14) Na Kalou e rawa ni vakayadrati ira na mate, me vaka ga noda vakayadrata e dua e moce tu.—Jope 14:13-15.

• E volai tu ena iVolatabu e vica na veivakaturi, qo e vakadeitaka noda vakabauta nira na vakaturi tale na mate.—1 Tui 17:17-24; Luke 7:11-17; Joni 11:39-44.