Cava e Kaya na iVolatabu?

E vakavuna na Kalou na veika rarawa?

Cava o na kaya?

• Io

• Sega

• De dua

Ka e kaya na iVolatabu

“E sega ni rawa vua na Kalou dina me caka ca, me cala o koya e Kaukaua Duadua!” (Jope 34:10) E sega ni vakavuna na Kalou na veika ca kei na rarawa e yaco tu ena vuravura qo.

So tale na ka eda vulica ena iVolatabu

• “Na turaga ni vuravura qo” o Setani na Tevoro, e vakavuna tiko na veika rarawa.​—Joni 14:30.

• Na noda vakatulewa cala tale ga na tamata e rawa ni vakavuna na rarawa kei na veika ca.​—Jemesa 1:14, 15.

Ena oti na veika rarawa?

Era vakabauta eso

ni rawa ni vakaotia na tamata na veika rarawa ke da cakacaka vata, ia era vakabauta eso tale ni na sega ni vinaka na ituvaki kei vuravura. Cava o nanuma?

Ka e kaya na iVolatabu

Ena vakaotia na Kalou na rarawa. “Sa na sega tale na mate, na lolosi, na tagiyaso, kei na mosi.”​—Vakatakila 21:3, 4.

So tale na ka eda vulica ena iVolatabu

• Na Kalou ena vakayagataki Jisu me vakaotia na veika rarawa e vakavuna na Tevoro.​—1 Joni 3:8.

• Era na bula vakacegu ena vuravura qo me tawamudu na tamata vinaka.​—Same 37:9-11, 29.