Nodra Nanuma me Baleta na Vidio The Bible—Its Power in Your Life
Me saumi na taro e ra, vakamacalataka na ka e tarai iko me baleta na itukutuku ena vidio oqo. (1a) Na cava e vakaukauataki ira na le vica vata na milioni mera veisautaka na nodra bula me vinaka cake kina? (Iper. 4:12) (1b) Na cava e gadrevi vua e dua me rawata kina na kaukaua oqo qai bulataka? (2) Na tikinivolatabu cava soti ena vukei ira na vakawati mera (a) vakavinakataka na nodra dau veivosaki ra qai (b) tarova nodra cudru? (3) E vakavinakataka vakacava na bula vakavuvale na rai vakarisito me baleta na vakawati? (Efeso 5:28, 29) (4) E ivakaraitaki vinaka vakacava na Kalou o Jiova ena nona vakarautaka e tolu na ka era gadreva ra qai taleitaka na gone, era na cakava tale ga vakacava na itubutubu ena gauna oqo? (Mari. 1:9-11) (5) Na cava mera vakavulica ga kina na luvedra ena iVolatabu na itubutubu, na cava e vakaraitaka ni gadrevi me vakawasomataki? (Vkru. 6:6, 7) (6) Rau na cakava vakacava na itubutubu me bulabula na vuli vakavuvale? (7) Me ikuri ni vuli iVolatabu, na cava tale e uqeti ira kina na itubutubu na Vosa ni Kalou mera vakarautaka vei ira na luvedra? (8) Ena vukei ira vakacava na vuvale na ivakasala vakaivolatabu mera lewa vinaka kina na nodra ilavo? (9) Ni bulataki na ivakavuvuli vakaivolatabu, na ivakavuvuli cava soti ena veivuke me vakalailaitaki kina na tautauvimate? (10) E veisautaka vakacava na nomu bula na ivakavuvuli mai na Vosa ni Kalou? (11) Ni o sarava oti na vidio oqo, ena lai vakayacoka vakacava vua e dua o sikova tiko ena cakacaka vakaitalatala me ciqoma kina na nomu veisureti me vulica na iVolatabu?