Na iVolatabu​​—⁠Na Kena Yaga ena Nomu Bula

Sa veisautaka na nodra bula e milioni nikua na iVolatabu. Na cava eso na kena ivakavuvuli e rawa nida muria me vukei keda meda walia kina na leqa eda sotava nikua? O na kila na isaunitaro qo ni o sarava na vidio The Bible​​—⁠Its Power in Your Life, qo na ikarua ni iyaloyalo ena DVD The Bible​​—⁠A Book of Fact and Prophecy. Ni o sarava oti na vidio, o rawa ni sauma na taro qo?

(1) Na cava e sega ni dua wale ga kina na ivola vakasakiti na iVolatabu? (Iper. 4:​12) (2) Ke sa veisautaka na ivakarau ni noda bula na iVolatabu, na cava eda sotava tu ga kina e levu na leqa? (3) Na cava na usutu bibi ni iVolatabu? (4) Na tikinivolatabu cava e vakamacalataki ena vidio ena vukei ira na vakawati mera (a) vakavinakataka na nodra ivakarau ni veivosaki (b) kua ni dau cudrucudru? (5) Ena vukea vakacava na bula vakavuvale na rai ni lotu vaKarisito me baleta na vakawati? (Efeso 5:​28, 29) (6) Na ivakaraitaki uasivi cava e kotora o Jiova vei ira na itubutubu? (Mari. 1:​9-​11) (7) Na cava me rau cakava na itubutubu me taleitaki kina na vuli vakavuvale? (8) Me ikuri ni vuli iVolatabu, na cava tale e uqeti ira kina na itubutubu na Vosa ni Kalou mera vakarautaka vei ira na luvedra? (9) Na ivakasala cava ena iVolatabu ena vukea na vuvale mera lewa vinaka kina na nodra ilavo? (10) Na ivakavuvuli vakaivolatabu cava me baleta na bula savasava, na vakayagataki vakasivia ni wainimate gaga kei na alakaolo, kei na lomaocaoca ena vakalailaitaka na tauvimate ke bulataki? (11) Na vosa ni yalayala cava ena iVolatabu ena vakacegui keda? (Jope 33:25; Same 145:16) (12) Sa yaga vakacava ena nomu bula na ivakavuvuli ena iVolatabu? (13) O na vukei ira vakacava eso ni o vakayagataka na vidio qo?