Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • km 6/01 t. 8
  • Tara na Loma i Nomu Gonevuli

Sega na kena vidio.

Vosota, sega ni laurai rawa na vidio.

  • Tara na Loma i Nomu Gonevuli
  • Noda Cakacaka Vakaitalatala—2001
  • iKuri ni Ulutaga
  • Qarauna na ‘iWalewale ni Nomu Veivakavulici’
    Na Vale ni Vakatawa Kacivaka na Matanitu i Jiova—2008
  • Vukea Nomu Vuli iVolatabu me Papitaiso
    Na Vale ni Vakatawa Kacivaka na Matanitu i Jiova (Vulici)—2021
  • Sala Mo Vakavulici Gonevuli Kina me Papitaiso—Wase Rua
    Na Vale ni Vakatawa Kacivaka na Matanitu i Jiova (Vulici)—2020
  • Vakavakarau Vinaka Nida Veivakavulici
    Noda Cakacaka Vakaitalatala—2009
Raica Tale Eso
Noda Cakacaka Vakaitalatala—2001
km 6/01 t. 8

Tara na Loma i Nomu Gonevuli

1 Ni bera ni lesu tale i lomalagi o Jisu, a tukuna vei iratou nona tisaipeli me ratou vakavulici ira na tamata mera “muria” na ka kece e vakarota. (Maciu 28:19, 20, VV) Ke mani yaco e dua me “muria” na ivakaro i Karisito, e dodonu me tara na lomana na itukutuku. (Same 119:112) O na tara vakacava na loma i koya drau vuli iVolatabu tiko?

2 Masuta na Veidusimaki i Jiova: Noda vukea e so mera tisaipeli e cakacaka ni Kalou. Na nona veivakalougatataki gona, sega ni noda rawaka, e rawati kina na cakacaka oqo. (Caka. 16:14; 1 Kor. 3:7) O koya gona, e bibi meda masuta na veivuke i Jiova ena noda vakavulica na ka dina.​—Aisea 50:4.

3 Kila na Ka e Vakabauta o Gonevuli: Noda kila na ka era vakabauta na tamata kei na vuna era vakabauta kina ena rawa kina nida kila se cava meda tukuna me na tarai ira. Cava e taleitaka kina o gonevuli e dua na ivakavuvuli vakaivolatabu? Cava e uqeti koya me vakabauta kina? Nida kila na veika vaka oya ena vukei keda meda yalomatuataka na ka eda tukuna.​—Caka. 17:22, 23.

4 iVakamacala Yavutaki Vakaivolatabu: Me raica rawa o gonevuli ni ka e tukuni tiko vua e ka dina. (Caka. 17:24-31) Meda tu vakarau ni vakamacalataka na noda inuinui. (1 Pita 3:15, VV) Ia, me caka ena dela ni yalololoma kei na yalomalua.

5 Vakayagataka na Vosa Vakatautauvata: Na vosa vakatautauvata e sega wale ga ni vakarawarawataka vei gonevuli me kila na ka, e uqeti koya tale ga. Na vosa vakatautauvata e tara na nodra vakasama kei na lomadra. E dau vakayagataka wasoma o Jisu na vosa vakatautauvata. (Mari. 4:33, 34) Io, me laulau noda ivakamacala, na vosa vakatautauvata eda vakayagataka me ganita na ka e veivosakitaki tiko, qai lako vata kei na ituvaki e sotava tiko o gonevuli.

6 Tukuna na Yaga ni Kena Vulici na Ka Dina: Era via kila na tamata na yaga ni ka era vulica tiko. Vukei nomu gonevuli me raica na dina ni vosa i Paula ena 2 Timoci 3:14-17.

7 Kua ni yalolailai ke so era bese ni rogoca na nomu veivakavulici. Era na sega ni vakarorogo kece. (Maciu 13:15) Ia, e so era na yaco mera vakabauta. (Caka. 17:32-34) Me tara mada ga na lomadra e levu na itukutuku vinaka ena nomu saga mera ciqoma ra qai “muria” na ivakaro i Jisu.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta