Ka Mo Kaya me Baleta na iVoladraudrau

Na Vale ni Vakatawa Kacivaka na Matanitu i Jiova 1 Nov.

Ni drau veikilai oti, o rawa ni taroga: “Era lako i lotu na tamata, ia na cava beka era caka ca tiko ga kina? E raica vakacava na Kalou na roka ni bula vaka oqo? [Waraka me sauma, qai wilika na Aisea 5:20.] E vakamacalataka na ivoladraudrau oqo ni rawa nida qaqarauni ena mataqali roka ni bula vaka oqo ke da taqomaka na noda lewaeloma.”

Na Vale ni Vakatawa Kacivaka na Matanitu i Jiova 15 Nov.

“Eda sa rogoca na kena dau tukuni ni a ‘mate o Jisu ena vukuda.’ [Cavuqaqataka na Joni 3:​16.] Oni dau vaqaqa beka se rawa vakacava me vakabulai keda na nona mate e lewe dua? [Waraka me sauma.] E matata na ka e kaya kina na iVolatabu. Na ulutaga oqo, ‘Veivakabulai Vakacava o Jisu?,’ e vakamacalataka vakavinaka.”

Na Vale ni Vakatawa Kacivaka na Matanitu i Jiova 1 Tis.

“Oqo e dua na gauna e dau kauaitaki vakalevu kina na soli iloloma kei na cakacaka vinaka tale e so. Eda vakasamataka kina na usutu bibi qo. [Wilika na Maciu 7:​12.] E rawa beka ni muri oqo ena loma ni yabaki taucoko? [Waraka me sauma.] E vakavure vakasama na ivoladraudrau oqo, ‘O Dau Cakava na Ka O Vinakata me Caka Vei Iko.’ ”

Yadra! Okt.-Tis.

“Nida vakatauvatana kei na veigauna sa oti, oni vakadinata beka ni sa qai tadre ga na bula nikua? [Waraka me sauma.] Sa yalataki oti tu mai ena iVolatabu na ka oqo. [Wilika na 2 Timoci 3:​1.] E vakavuna mera datuvu kina e levu. Ia e veivakayaloqaqataki na ivoladraudrau oqo. E vakaraitaka na sala me valuti kina na yalolailai qai vakainaki kina na noda bula.”