Ka Mo Kaya me Baleta na iVoladraudrau

NA VALE NI VAKATAWA 15 Nov.

“Era vakabauta e levu ena gauna makawa ni na parataisi na vuravura ena dua na siga. Ia na ituvaki kei vuravura edaidai e vakavuna nodra lomatarotarotaka e so na dina ni vakasama oya. Cava beka nomuni nanuma? [Waraka me sauma.] Dikeva mada na ka e tukuna na iVolatabu. [Wilika na Same 37:11.] E vakamacalataki ena ilavelave oqo na ka e tukuni tu ena iVolatabu me baleta na ka ena yacovi vuravura.”

Yadra! Okt-Tis.

“E sa levu na veimataqali mate ena gauna oqo, qai levu tale ga vei ira na wekada era tauvimate. Ia na matenisuka e dua na mate e veitauvi vakalevu nikua me vaka e vakamacalataki ena ilavelave ni Yadra! oqo. [Vakaraitaka sara na kena ulutaga.] Ia oni kila beka ni tu na ivakasala yaga vei ira na matenisuka ena iVolatabu, na ivola a volai ena rauta ni 2000 na yabaki sa oti? [Waraka me sauma qai vakaraitaka vua na Yadra!] Me ikuri ni ivakasala yaga e dau soli e veisiga, dikeva na ka e tukuni ena Aisea 33:24. [Wilika.] Sa dua na gauna totoka dina meda vakanamata kina oqo, ni sa na sega tale ni dua e kaya: ‘Au sa tauvimate.’ Au kila ni o na marautaka na wilika na ilavelave ni Yadra! oqo mo qai wasea tale ga yani vei ira nomu itokani.”

NA VALE NI VAKATAWA 1 Tis.

“E levu nikua era sa sega ni vakabauta na Kalou. Dua na vuna oya ni sega ni dau saumi vakadodonu na veika era dau lomatarotarotaka tu me vaka oqo. [Tukuna e dua na ivakaraitaki ena kato ena tabana 6.] E vakamacalataki ena ilavelave ni Vale ni Vakatawa oqo e dua na sala bibi me bucini kina na nona vakabauti dina na Kalou.” Wilika na Filipai 1:⁠9.