Ka me Nanumi ena iVakananumi

Ena vakayacori na iVakananumi ni yabaki oqo ena Lotulevu, 28 Maji. Oqo e vica na ka mera nanuma na qase:

◼ Ni sa lokuci na gauna ni soqoni, raica me kua ni veisoliyaki na madrai kei na waini vakavo ke sa dromu na siga.

◼ Me kacivaki vakamatata mera kila kece na gauna kei na vanua ena vakayacori kina, okati kina o koya e vunau.

◼ Me vakarautaki na madrai kei na waini veiganiti e dau vakayagataki.​—Raica na Watchtower, 15 Feperueri, 1985, taqana 19.

◼ Ni bera na soqoni, me tuvai rawa ena vanua e dodonu me biu kina na veleti, bilo, dua na teveli vinaka kei na kena iubi e veiganiti.

◼ Me samaki vinaka vakailiu na Kingdom Hall se na vanua ena vakayacori kina na soqoni.

◼ Mera lesi na dauveivuke ra qai dusimaki rawa ena sala matau mera na cakava kina na nodra itavi, ra vakadreti mera muria na ituvatuva sa tuvanaki, me rakorako tale ga qai maqosa na isulu era tokara kei na kedra irairai.

◼ Me vakarautaki na sala ena kau kina na madrai kei na waini vua e dua na lumuti sa malumalumu ena sega ni tiko rawa.

◼ Ke vica na ivavakoso era na vakayagataka vata e dua ga na Kingdom Hall, mera veivosakitaka vinaka na nodra dui ituvatuva me kua kina na veisugusugu ena matanikatuba levu, pasese, gaunisala, kei na vanua ni vakele motoka.