Ka me Nanumi ena iVakananumi

Ena vakayacori na iVakananumi ni yabaki oqo ena siga Lotulevu, 24 Maji. Oqo e vica na ka mera nanuma na qase:

◼ Ni sa lokuci na gauna ni soqoni, raica me kua ni veisoliyaki na madrai kei na waini me yacova ni sa dromu na siga.

◼ Me kacivaki vakamatata mera kila kece o koya e vunau, na gauna, kei na vanua ena vakayacori kina na iVakananumi.

◼ Me vakarautaki na madrai kei na waini veiganiti e dau vakayagataki.​​—⁠Raica Na Vale ni Vakatawa, 15 Feperueri, 2003, t. 14-​15.

◼ Ni bera na soqoni, me tuvai rawa na veleti, bilo, na teveli, kei na kena iubi e veiganiti ena vanua e dodonu me biu kina.

◼ Me samaki vinaka vakailiu na Kingdom Hall se na vanua ena vakayacori kina na iVakananumi.

◼ Mera lesi na dauveivuke ra qai dusimaki rawa ena sala matau mera na cakava kina na nodra itavi, ra vakadreti mera muria na ituvatuva sa tuvanaki, me rakorako tale ga qai maqosa na nodra isulu kei na kedra irairai.

◼ Me vakarautaki na kena kau na madrai kei na waini vua e dua na lumuti sa malumalumu ena sega ni tiko ena soqoni.

◼ Ke vica na ivavakoso era vakayagataka vata e dua ga na Kingdom Hall, mera veitaratara vinaka na ivavakoso me kua kina na veisugusugu ena matanikatuba levu, pasese, gaunisala, kei na vanua ni vakele motoka.