Ka Mo Kaya me Baleta na iVoladraudrau

Na Vale ni Vakatawa 15 Maji

“Ke dodonu na veiliutaki e vuravura ena sautu na bula, se sega beka? [Waraka me sauma.] Ni rogoca mada na ka e yalataka na iVolatabu. [Wilika na Same 37:11.] Ena rawati na sautu oqo ena ruku ni nona veiliutaki na iLiuliu uasivi duadua e vakamacalataki ena vica na ulutaga oqo.”

NA Vale ni Vakatawa 15 Maji

“Nikua, e vakilai ena vuravura taucoko ni dredre mera kune na iliuliu vinaka. Ia, ni raica mada na ka e kaya kina na iVolatabu. [Wilika na Maciu 23:10.] Na ulutaga totoka ‘E Nomu iLiuliu Dina na Karisito?’ e koto ena Vale ni Vakatawa oqo. Au via biuta toka na ilavelave oqo me nomuni.”

Na Vale ni Vakatawa 1 Epe.

“Au via wilika mada na tikina momona oqo ena iVolatabu. [Wilika na Maciu 22:37.] Na cava oni nanuma e kena ibalebale? [Waraka me sauma.] Ni raica mada na ulutaga oqo, ‘Vakasaqara na Kalou Nida Vakayagataka na Lomada kei na Noda Vakasama.’ Na noda vakabauta dina na Kalou e ka wale beka ga ni lomada, se vauca tale ga na noda vakasama? Ena veilauti na isaunitaro oqo.”