Saravi na Vu ni Noda Veilomani ena Vidio Our Whole Association of Brothers
E sega na veilomani ena vuravura nikua, e rawa gona vakacava me qaqaco tiko ga na noda lomani ira na tacida vakayalo? (1 Pita 2:17) Eda na vakaraitaka vakacava vei ira na tani ni sega ni vatavatairalago ga na veilomani e kune ena keda maliwa vakamataveitacini ena veiyasa i vuravura? (Maciu 23:8) Ke da vakaraitaka vei ira na vidio Our Whole Association of Brothers, ni laurai kina na vu ni noda veilomani. Meda raica mada se da na rawa ni sauma na veitaro oqo:
(1) Na cava e tolu na ka eda cakava kece na mataveitacini e veiyasa i vuravura? (2) Era vakaraitaka vakacava na tacida na nodra gu ena vunau (a) ena vanualiwa batabata mai Alaska, (b) ena ikelekele lelevu ni waqa mai Urope, kei (c) na veikauloa mai Peru? (3) Na cava e dua na ivukevuke yaga vakalevu ena cakacaka vakavunau? (4) Na cava me kua nida nanuma kina ni vunau e dua ga na cakacaka wale? (5) Tukuna e so na ivakaraitaki ni nodra veivakacegui, ra veitokoni vakataki ira na iVakadinadina i Jiova nira sotava na leqa—na uneune, cagilaba, kei na ivalu ni lewenivanua. (Yalovinaka, wilika na ka e tukuna o Takao ena Awake!, 22 Okosita, 1995, taqana 23, kei Kotoyo ena Awake!, 22 Okotova, 1996, taqana 20.) (6) Na cava e so na ka e rawa nida cakava meda vakaraitaka na ivakarau e kilai tani kina na noda veitacini vakarisito? (Joni 13:35) (7) Me vakacava na bibi ni noda raica na soqoni vakaivavakoso? (8) E vakayacoka vakacava vei ira a sega ni bau dua na nodra Kingdom Hall na nodra sa qai taukena e dua mera soqoni kina? (9) Na cava era a cakava na tacida mai na tokalau kei Urope, vaka kina mai Rusia mera bulabula tu ga kina vakayalo ena gauna a vakatabui tu kina na cakacaka e kea? (10) Ena gauna mada ga oqo, na sasaga vakasakiti cava era cakava e so na iVakadinadina mera tiko rawa kina ena veisoqo lelevu, na cava na vuna? E vakayaloqaqataki iko vakacava oqo? (11) Na cava o nakita dei kina mo sokalou kei ira na tacimu ena duavata, mo vukei ira ena gauna ni leqa, mo yalodina ena vunau, ena vanua kei na sala cava ga e rawa? (12) Na cava e vinaka kina me dua sara ga na noda tepi vakataki keda, da qai vakaraitaka ena kena levu eda rawata vei ira kece era taleitaka?