iVakadinadina i Jiova—Tuvanaki me Vunautaka na iTukutuku Vinaka

Sa 100 vakacaca na yabaki nodra tuvanaka na iVakadinadina i Jiova na vunautaki ni itukutuku vinaka. Na cakacaka vakavunau qo e sega ni se bau caka vakadua, e vunautaki ena drau vakacaca na vosa ena sivia na 230 na vanua. (Maciu 24:14) Na cava e bibi kina na cakacaka qo? E vakayacori tiko vakacava e veiyasa i vuravura? Ena kilai qori nida sarava na vidio Jehovah’s Witnesses—Organized to Share the Good News, e vakamacalataki kina na cakacaka kece eda cakava e veiyasa i vuravura. Ni o sarava oti na vidio, vakasamataka na isaunitaro qo.

E vakarabailevutaka vakacava na vidio qo na nomu kila (1) na sasaga ni isoqosoqo i Jiova ena vunautaki ni itukutuku vinaka? (2 Tim. 4:2) (2) na matavuvale e Peceli e veiyasa i vuravura? (3) na nodra vuli na daukaulotu kei ira na ivakatawa? (2 Tim. 2:2) (4) na bibi ni kena dikevi na iVolatabu e veisiga kei na vakavakarau ena soqoni e veimacawa? (Caka. 17:11) (5) na yaga ni noda tiko wasoma ena soqoni vaKarisito? (Iper. 10:24, 25) (6) nomu na vakalougatataki ni sa Parataisi tale na vuravura? (Aisea 11:9) (7) ni ka dokai nomu vakaitavi ena tatamusuki e vakayacori tiko?—Joni 4:35.

Sa vakadinadinataki ni yaga vakalevu vei ira na tataleitaki na vidio qo, mera kila vinaka kina na cakacaka eda vakayacora tiko na iVakadinadina i Jiova e vuravura raraba. (8) Na gauna veiganiti cava e rawa nida vakaraitaka kina vei ira na noda vuli iVolatabu, ira na wekada, kei na so tale? (9) Na ka vinaka cava era tukuna nira sarava na vidio?

Nida vakasamataka na veika e cakava tiko o Jiova, ena uqeti keda qori meda cavuta tale ga na nona vosa na daunisame: “I Jiova na noqu Kalou, sa ka levu na nomuni cakacaka e veivakurabuitaki ko ni sa cakava, kei na nomuni nanuma vei keimami: E dredre me wiliki vakadodonu vei kemuni.” (Same 40:5) Meda vakayagataka vinaka na vidio qo me rawa ni uqeti ira eso tale mera kila e levu tale na ka me baleti Jiova kei na nona isoqosoqo!