Ka Mo Kaya me Baleta na iVoladraudrau

Na Vale ni Vakatawa 15 June

“Oni nanuma beka ni na mai cava na veileqa vaka oqo? [Wilika na itukutuku e lavetaki toka ena imatai ni parakaravu ena taqana 3, qai waraka me sauma.] E veivakacegui dina na Vosa uqeti ni Kalou ni veileqa oqo ena mai vakaoti. [Wilika na Same 72:12-14.] E vakamacalataka na ilavelave ni Vale ni Vakatawa oqo na sala ena rawati kina.”

Yadra! Epe.-June

“E parofisaitaka na iVolatabu ni gauna rarawataki na veisiga e muri oqo se iotioti ni veisiga. [Wilika na 2 Timoci 3:1, 3.] Eda kidroa ena leqa a yaco mai Mereke ena yabaki sa oti. Ia, e tu tale ga na noda leqa e Viti. Na cava ena vukei keda ena mataqali leqa vaka oqo? E vakamacalataka na ilavelave ni Yadra! oqo e so na italanoa ni yaloqaqa, veinanumi kei na vosota era vakayacora e so ena gauna a kacabote kina na World Trade Center ena 11 Sepiteba, 2001.”

Na Vale ni Vakatawa 1 Julai

“E milioni era vakayagataka na ivakatakarakara ena nodra sokalou, ia era nanuma tale ga e milioni ni cala oya. Oni dau vaqaqa beka se cava na nanuma ni Kalou? [Waraka me sauma, qai wilika na Joni 4:24.] E vakamacalataka na ilavelave oqo na vanua a tekivu mai kina na kena vakayagataki, kei na rai ni iVolatabu me baleta na sokaloutaki ni ivakatakarakara.”