Ka Mo Kaya me Baleta na iVoladraudrau

Na Vale ni Vakatawa 15 Nov.

“Era dau vakataroga e so se gadrevi dina na valenilotu me sokaloutaki kina na Kalou. Cava beka nomuni nanuma? [Waraka me sauma.] Dikeva mada na ka e tukuna na iVolatabu. [Wilika na Cakacaka 17:24.] Na cava na inaki ni valenilotu? Na ivoladraudrau oqo e vakamacalataka na kena isau vakaivolatabu.”

Yadra! Okt.–Tis.

“E levu era okata na veimauilavo me ka ni lasa. E so tale era kaya ni vakacaraka na bula vakavuvale kei na bula raraba. Cava beka nomuni nanuma? [Waraka me sauma.] Na ilavelave ni Yadra! oqo e vakaraitaka na rai ni iVolatabu me baleta na veimauilavo kei na sala sa ra goletani mai kina e so na lotu Vakarisito. O na rairai taleitaka mo wilika se rau veisemati vakacava na ivakavuvuli vakaivolatabu kei na ulutaga oqo.” Kena ivakaraitaki, wilika na 1 Korinica 6:9, 10.

Na Vale ni Vakatawa 1 Tis.

“Sa dredre na bula vakailavo nikua. Sa bau lai vakilai tale ga ena lotu. Ia sa qai vakabibitaki ga vakalevu na soli. Cava oni nanuma? [Waraka me sauma, qai wilika na 1 Cesalonaika 2:9.] Na Vale ni Vakatawa oqo e vakamacalataka na rai ni iVolatabu me baleta na soli.”