E Dodonu Meda Sarava na Vidio No Blood​—Medicine Meets the Challenge

Na cava soti o sa bau kila toka me baleta na mataqali veiqaravi vakavuniwai e sega ni vakayagataki kina na dra? O sa kila tiko e so na ka e rawa ni vakayagataki me isosomi ni dra, kei na sala era cakacaka kina? Sarava mada na vidio, qai sauma na veitaro e koto e ra mo veidutaitaka se vakacava na levu ni ka o sa bau kila toka.​—Me nanumi: Era kerei na itubutubu mera lewa vinaka na nodra sarava na luvedra lalai na vidio, ni laurai vakalalai tale ga kina na veisele.

(1) Na cava na vuna levu era sega ni tauri dra kina na iVakadinadina i Jiova, e kune e vei na vakatatabu oqo ena iVolatabu? (2) Na cava eda gadreva me baleta na veiqaravi vakavuniwai? (3) Na dodonu cava e tu vua e dua e tauvimate? (4) Na cava e vakatulewa yaga kina qai ka vakayalomatua ke o cata na tauri dra? (5) Ke yali vakalevu vua e dua na dra, na cava na rua na ka bibi mera kauai taumada kina na vuniwai? (6) Na cava e so na leqa e rawa ni yaco ke tauri na dra? (7) Na cava soti e so na iyaya ni veisele sa tu e rawa ni vakayagataka o dauniveisele me vakalailaitaka na vakayali ni dra ena nona veisele? (8) Na cava mo kila taumada me baleta na veika e rawa ni vakayagataki me isosomi ni dra? (9) E rawa beka ni caka na veisele lelevu me kua ni vakayagataki kina na dra? (10) Na cava era tu vakarau mera cakava vei ira na iVakadinadina i Jiova e dua na iwiliwili levu ni vuniwai? Ni toso na gauna, na cava e nanumi ni na sega tale ni qai vakayagataki ena veiqaravi vakavuniwai vei ira na tauvimate?

Sega ni vakatitiqataki ni na vinaka ke da sarava vata na vidio oqo na No Blood kei ira na vuli iVolatabu, ira e sega ni tiko ena dina na kedra ikasa, ira na wekada, itokani vakacakacaka, qasenivuli kei ira eda vuli vata era na rairai taroga na noda vakabauta me baleta na dra. Ia na noda vakayagataka se sega e dua vei ira na isosomi ni dra e vakaraitaki ena vidio ena vakatau sara ga vei keda yadua, ni oti na noda vakalewa vakavinaka da qai vakatulewa kina me lako vata kei na noda lewaeloma.​—Yalovinaka, raica na “Taro na Dauwiliwili” ni itabataba ni Vale ni Vakatawa, 15 June kei na 15 Okotova, 2000.