Me Yaga Nomu Raica na Vidio No Blood​​—⁠Medicine Meets the Challenge

Na cava soti o sa bau kila toka me baleta na veiqaravi vakavuniwai e sega ni vakayagataki kina na dra? O sa kila tiko e so na ka e rawa ni vakayagataki me isosomi ni dra, kei na sala era cakacaka kina? Sarava mada na vidio, qai sauma na veitaro e koto e ra mo veidutaitaka kei na levu ni ka o sa bau kila toka.​​—⁠Me nanumi: Era kerei na itubutubu mera lewa vinaka se mera sarava na luvedra lalai na vidio se me kua, ni laurai kina vakalalai na veisele.

(1) Na cava na vuna levu era sega ni tauri dra kina na iVakadinadina i Jiova, e kune e vei na vakatatabu oqo ena iVolatabu? (2) Na cava eda gadreva me baleta na veiqaravi vakavuniwai? (3) Na dodonu cava e tu vua e dua e tauvimate? (4) Na cava e dodonu kina qai ka vakayalomatua nomu cata na tauri dra? (5) Ke yali vakalevu na dra, na cava na rua na ka bibi mera kauai taumada kina na vuniwai? (6) Na cava e so na leqa e rawa ni yaco ni tauri na dra? (7) Na cava e so na iyaya ni veisele sa tu e rawa ni vakayagataka o dauniveisele me vakalailaitaka na vakayali ni dra ena gauna ni veisele? (8) Na cava mo kila taumada me baleta na veika o rawa ni vakayagataka me isosomi ni dra? (9) E rawa beka ni caka na veisele lelevu me kua ni vakayagataki kina na dra? (10) Na cava era tu vakarau mera cakava vei ira na iVakadinadina i Jiova e dua na iwiliwili levu ni vuniwai? Ni toso na gauna, na cava e nanumi ni na sega tale ni qai vakayagataki ena veiqaravi vakavuniwai vei ira na tauvimate?

Na noda vakayagataka se sega e dua vei ira na isosomi ni dra e vakaraitaki ena vidio ena vakatau sara ga vei keda yadua.​​—⁠Raica Na Vale ni Vakatawa, 15 June, 2004, t. 22-4, 29-​31, kei Na Vale ni Vakatawa, 15 Okotova, 2000, t. 30-1.