Ka Mo Kaya me Baleta na iVoladraudrau

Na Vale ni Vakatawa 15 Tis.

“E vuqa era dau vakananuma ena gauna sara ga oqo na sucu i Jisu. Oni kila beka ni levu na ka yaga eda rawa ni vulica mai na veika e volai tu ena iVolatabu me baleta na nona sucu? [Waraka me sauma. Dusia vua na tabana 5, qai wilika na 2 Timoci 3:16.] Na ilavelave ni Vale ni Vakatawa oqo e vakamacalataka e so na tikina yaga e rawa nida vuli kina.”

Yadra! Okt.-Tis.

“Cava beka nomuni nanuma, mera kauaitaka beka na itubutubu na ka ni veivakamarautaki voravora e sa cakayaco tiko vei ira na luvedra ena gauna oqo? [Waraka me sauma.] E vuqa na itubutubu era dau vakayagataka na tikinivolatabu oqo me nodra idusidusi. [Wilika na Same 11:5.] Na ilavelave ni Yadra! oqo e sauma na taro era dau vaqaqa tu e vuqa: ‘E Vakadonuya Beka na Kalou na Veivaluvaluti?’”

Na Vale ni Vakatawa 1 Jan.

“Ni so era tauvimate se mate na wekadra lomani, era dau vakataroga, se ‘Cava na vuna e vakatara tu kina na Kalou na ka oqo?’ Oni na rairai dau vakataroga tale ga na taro oqo. Ia, e vakaraitaka na iVolatabu ni Kalou e dau kauaitaki ira era sotava na rarawa. [Wilika na Aisea 63:9a.] E vakamacalataki ena ivoladraudrau oqo na vuna eda rawa ni vakadeitaka kina ni Kalou ena vakaotia vakadua na rarawa.”