Ka Mo Kaya me Baleta na iVoladraudrau

NA VALE NI VAKATAWA 15 Tis.

“Ena gauna oqo e dau levu kina na ivalavala ni nodra vakananuma na tamata e vuravura na sucu i Jisu. O kila beka ni parofisai ena iVolatabu e semata na sucu i Jisu kei na veisaututaki? [Waraka me sauma qai wilika na Aisea 9:​6, 7.] E vakamacalataki ena ivoladraudrau oqo na kena rawati na veisaututaki.”

Yadra! Okt-Tis.

“O kila beka e dua e tauvimate bibi se vakaleqai tu na ituvaki ni yagona? Au kila ni daru na duavata nira gadreva o ira era vakaleqai tu vaka oqori na veivakayaloqaqataki kei na inuinui. Ia na cava eda na rawa ni kaya meda uqeti ira kina? E tu ena iVolatabu na vosa ni vakanuinui. [Wilika na Aisea 35:​5, 6.] Na ilavelave ni Yadra! oqo e tu kina e so na yavu vakaivolatabu meda na nuitaka kina ni na vinaka na veisiga sa bera mai.”

NA VALE NI VAKATAWA 1 Jan.

“Era vakavuvulitaka e levu na lotu ni dodonu vei ira na tamata mera lomana na kai nodra. [Wilika na Maciu 22:39.] Ia na cava ga e okati kina na lotu ena levu na ivalu kei na veileti e yaco tu e vuravura nikua? [Waraka me sauma.] Na ilavelave ni Vale ni Vakatawa oqo e veivosakitaki kina na taro, Ena vakaduavatataka beka na kawatamata na lotu?”