Ka Mo Kaya me Baleta na iVoladraudrau

Na Vale ni Vakatawa 15 Jan.

“Ena levu ni vakadavedra ena gauna oqo, e kena ibalebale beka oya ni sa sega ni tarovi rawa na ca? Cava beka nomuni nanuma? [Waraka me sauma.] Raica mada na ka e tukuna na iVolatabu me baleta na Kalou. [Wilika na Same 83:18b.] Ena vakatara beka na Kalou me yaco tiko ga na ca kevaka e Cecere Duadua ena vuravura o koya? [Waraka me sauma.] E tiko ena ilavelave ni Vale ni Vakatawa oqo na kena isau.”

Yadra! Jan.-Maji

“Era sa lomatarotarotaka e vuqa na kena sa qai torocake ga na ivakarau kaukaua kei na nodra vakadomobula na batikadi. Oni rairai duavata kei na ka e kaya na Dauvunau 8:⁠9. [Wilika qai waraka me sauma.] E vakamacalataka na ilavelave ni Yadra! qo na veika e rawa ni vulici mai na gauna sa sivi, kei na sala ena mai vakaoti kina vakadua na ivakarau ca kece qo.”

Na Vale ni Vakatawa 1 Fep.

“E levu ena gauna qo era sa leqataka nodra cakacaka, e so tale era dau vuturi vakalevu ena nodra vanua ni cakacaka. Cava beka nomuni nanuma, ena oti beka na lomaleqa kei na vuturitaki ni noda cakacaka? [Waraka me sauma. Wilika na Aisea 65:21-23.] Na Vale ni Vakatawa qo e vakamacalataka na gauna ena vakalougatataki kina na cakacaka kece ga.”