Ka Mo Kaya me Baleta na iVoladraudrau

NA VALE NI VAKATAWA 15 Jan.

“Me vaka ni sa ivakarau tu ni bula nikua na kena sega ni dau vakayacori na vosa ni yalayala, e sa dredre gona vei ira e levu mera nuitaka e dua. O nanuma beka ni tiko e dua ena nuitaki nona vosa ni yalayala? [Waraka me sauma qai wilika na Josua 23:14.] E vakaraitaka na ilavelave oqo na sala eda rawa ni bucina kina noda nuitaka na vosa ni yalayala ni Kalou era tukuni tu ena iVolatabu.”

Yadra! Jan.-Maji

“E levu era sega ni taleitaka na kena sa qai tubu ga na ivakarau kaukaua. [Tukuna e dua na ivakaraitaki ena nomu yalava, qai waraka me sauma.] E vakamacalataki tu ena ilavelave ni Yadra! oqo e so na ka e dau vakavuna na itovo kaukaua kei na sala ena kauta laivi kina vakadua na Kalou na basulawa kei na itovo kaukaua.” Wilika na Same 37:​10, 11.

NA VALE NI VAKATAWA 1 Fep.

“E levu vei keda eda kauaitaka na noda bulabula vakayago. Ia e laurai ena dua na vakadidike ga oqo ni noda bula vinaka e vakatau tale ga mai na noda bulabula vakayalo. Cava beka nomu nanuma, e dina beka oya? [Waraka me sauma. Wilika na Maciu 5:3 (NW).] E vakamacalataki gona ena Vale ni Vakatawa oqo na sala me vakacegui kina noda gagadre vakayalo.”