Kato ni Taro

◼ Meda vakamacalataka beka na cau nida vunau ena talevoni?

Nida vunau vua e dua eda sotava, e rawa nida vakamacalataka ni cakacaka ni veivakavulici ena iVolatabu eda cakava tiko na iVakadinadina i Jiova e vuravura raraba e tokoni ga ena cau, eda marau gona nida ciqoma na nodra cau. Ia, me kua ni tukuni oqo nida vunau ena talevoni ni rawa ni nanumi cala me dua na sala ni kere ilavo. Na noda cakacaka vakaitalatala na iVakadinadina i Jiova e sega ni cakacaka ni rawailavo.​—2 Kor. 2:17.

◼ Nida vunau ena talevoni, cava meda cakava ke tukuni mai me kua tale ni dua na iVakadinadina i Jiova me qiri yani?

Me rokovi na nodra nanuma. Me dua na ivola me volai kina na yacana kei na tikinisiga e vakadarodaro mai kina o itaukeinivale qai biu ena waqanivola ni yalava me kua kina ni dua e qiri tale ena vale oya. Me railesuvi vakadua ena veiyabaki na yacadra na sega ni vinakata meda qiriti ira. Ena nona veidusimaki na ivakatawa ni cakacaka, mera lesi na dautukutuku era sa matua ra qai kenadau mera qiriti ira na itaukeinivale vaka oqo me kilai kina se sa veisau na nodra nanuma se sega.​—Raica na Kato ni Taro ena Noda Cakacaka Vakaitalatala, Janueri 1994.