Ka Mo Kaya me Baleta na iVoladraudrau

NA VALE NI VAKATAWA 15 Nov.

“E levu era vinakata mera bulabula ra qai bula balavu tale ga. Ia ke rawa ni yaco dina oqori, oni na via bula tawamudu? [Waraka me sauma. Wilika na Joni 17:⁠3.] E vakamacalataki ena ivoladraudrau oqo na ka e yalataka na iVolatabu me baleta na bula tawamudu kei na ivakarau ni bula ena gauna oqori.”

Yadra! Okt-Tis.

“E levu nikua era kaya ni dodonu me dokai na vakawati, ia e levu ga na vakawati e dau tini ena veisere. Na cava soti e dau vakavuna na veisere? [Waraka me sauma.] Raica mada na ivakasala yaga ena Vosa ni Kalou me baleta na vakawati. [Wilika na Efeso 5:33.] E vakamacalataki ena ivoladraudrau oqo na rai ni iVolatabu me baleta na dokai ni bula vakawati.”

NA VALE NI VAKATAWA 1 Tis.

“Dua na itovo e vakaduiduitaki keda kina na tamata mai na manumanu, oya ni rawa nida vakatulewataka na vinaka mai na ca. Ia e ka ni rarawa ni levu era dau caka ca. Na cava beka na vuna? [Waraka me sauma, wilika na Jeremaia 17:9 se Vakatakila 12:⁠9.] Na ivoladraudrau oqo e vakamacalataka na ka vinaka meda kila kei na ka vinaka meda cakava.”