Ka Mo Kaya me Baleta na iVoladraudrau

Na Vale ni Vakatawa 15 Jan.

“Eda vinakata kece meda bula vinaka kei ira na luveda, ia era le levu era sega ni rawata oqori. E rawa beka nida lewa na ka e yaco ena noda bula? [Waraka me sauma.] Na ivoladraudrau oqo e vakaraitaka mai na iVolatabu ni tu vei keda na kaukaua, baleta ni veika ena yaco ena noda bula e vakatau sara ga ena vakatulewa eda cakava ena gauna oqo.” Wilika na Vakarua 30:⁠19.

Yadra! Jan.-Maji

“E vakacava na bibi ni nodra kauaitaki ira na luvedra o ira na tama? [Waraka me sauma.] E vakamacalataki ena Yadra! oqo na nodra sa sega ni dau veikauaitaki na tama. E vakamacalataka tale ga na sala e rawa nira tama vinaka kina vei luvedra.” Wilika na Vosa Vakaibalebale 13:⁠1.

Na Vale ni Vakatawa 1 Fep.

“E sega li nida rarawataka nikua na nodra vakasaurarataki e levu qai vakayacori vei ira na itovo kaukaua? [Tukuna e dua na ivakaraitaki e se qai yaco ga, qai waraka me sauma.] Na ivoladraudrau oqo e vakamacalataka na rai ni Kalou me baleta na bula. E vakamacalataka tale ga na ka ena cakava me vakabulai keda kina mai na rarawa e sotavi tu nikua.” Wilika na Same 72:​12-14.