Ka Mo Kaya me Baleta na iVoladraudrau

Na Vale ni Vakatawa 15 Okt.

“Levu era raica na vuli me ka e yaga duadua ena noda bula. E tiko beka e dua na mataqali vuli ena vukei keda meda tamata vinaka, me walia tale ga na leqa eda dau sotava ena noda bula? [Waraka me sauma. Wilika na Roma 12:⁠2.] E vakamacalataki ena Vale ni Vakatawa oqo na sala ena rawa ni yaga kina vei keda na vuli vinaka duadua.”

Yadra! Okt.-Tis.

“Dina ga ni tamata kilai levu duadua o Jisu Karisito, ia levu era dau lomatarotarotaka tu se o cei dina o koya. O kila ni ratou a taroga sara mada ga na taro oqo na yapositolo i Jisu? [Waraka me sauma. Wilika na Marika 4:​41.] E vakamatatataki ena ivoladraudrau oqo se o cei dina o Jisu.”

Na Vale ni Vakatawa 1 Nov.

“E levu e vakaleqa na lomadra na kena dau yaco na veika tawadodonu e vuravura. Cava nomuni nanuma, e rawa beka ni dua e veisautaka na vuravura? [Waraka me sauma.] E vakamacalataki ena ivoladraudrau oqo na veika e vakalatilati ina veisau. E vakamacalataka tale ga se o cei ena valuta na leqa oqo kei na sala ena kauta mai kina na bula sautu kei na tiko nuidei e vuravura.” Wilika na Same 72:​12-14.