Ka Mo Kaya me Baleta na iVoladraudrau

Na Vale ni Vakatawa 15 Okt.

“Oni vakamacalataka vakacava vei ira na gone, se vei ira tale e so, se cava sa rui levu kina na ca ena gauna oqo? [Waraka me sauma.] Na iVolatabu ga ena sauma na taro oqo, ‘O Cei e Vakavuna Tiko na Ca Kece?’ [Wilika na 1 Joni 5:19.] Ena vukei kemuni na ilavelave ni Vale ni Vakatawa oqo mo ni kila kina se o cei na vunica, kei na sala meda na rawa ni vorati koya kina.”

Yadra! Okt.-Tis.

“E levu era okata na veimauilavo me ka ni veivakamarautaki e dau sosovi vakalevu. E so tale era kaya ni vakacaraka na bula vakavuvale kei na bula raraba. E dikevi ena ilavelave ni Yadra! oqo na vakadidike e sa qai caka vou ga me baleta na veimauilavo. Oni na rairai taleitaka mo ni wilika na ivakavuvuli vakaivolatabu e salavata kei na ulutaga oqo.” Me kena ivakaraitaki, wilika na 1 Timoci 6:10.

Na Vale ni Vakatawa 1 Nov.

“E vuqa vei keda e dau saga me vinaka tiko ga na noda veiwekani kei ira na tani. Daru na rairai duavata ni rawarawa ga na kena tukuni, ia e dredre ni daru na cakava. [Waraka me sauma.] E vakamacalataka na iVolatabu na vuna. [Wilika na Jemesa 3:2.] Na ilavelave oqo e vakamacalataka na bibi ni kere veivosoti me rawati tale kina na veiwekani vinaka kei na sala me tomani tiko ga kina.”