Na iYaloyalo me Vakasamataki Vakabibi
“E vakavure vakasama na vidio oqo!”
“E tarai au sara ga!”
“E vakaciriloloma dina!”
1 E vaka beka oqo na nomu rai ena imatai ni gauna o sarava kina na vidio Young People Ask—How Can I Make Real Friends? Ena vica na yabaki sa oti, a veilecayaki voli na nona bula e dua na cauravou lotu Vakarisito ena vuku ni ilala a digia. Na nodra veirawai na nona ilala e sa lai vakawalena kina na ka dina kei na nona veiwekani kei Jiova. Ena gauna vata oqori a sereki kina na vidio, Real Friends. E vola mai na cauravou oya: “E tuturu na wainimataqu noqu sarava vakavica na vidio oqo. Au vakavinavinakataka na veivuke i Jiova ena kena gauna dodonu.” E uqeti koya na vidio me veisautaka na nona bula, me digia tale ga na ilala vinaka. E tomana: “O ni kila vinaka sara ga na ka e tarai ira tiko na itabagone ena gauna oqo.” Kemuni na itubutubu kei na itabagone, vakacava mo ni sarava vata tale na vidio oqo ena vuli vakavuvale e tarava! Ni saravi tiko, cegu mada vakalekaleka ni oti e dua na wase ni iyaloyalo, me soli vakasama na lewenivuvale kece ena taro e koto e ra, oti qai tomani tale.
2 Kena iKau: O cei na itokani dina?—Vkai. 18:24.
3 Vuna Era Sega ni Vakaitokani Kina e So: Kevaka o nanuma ni o sega ni kauaitaki, na cava mo cakava? (Fpai. 2:4) Na cava mo saga kina mo veisautaki iko, o cei e rawa ni vukei iko ena tikina oqo? Na cava mo cakava me so tale kina nomu itokani? O na kunei ira e vei?—2 Kor. 6:13, VV.
4 Veiwekani kei na Kalou: Na cava mo cakava mo veivolekati sara kina kei Jiova? Na cava e vinaka kina na sasaga oqo? (Same 34:8) O cei e rawa ni vaqaqacotaka na nomu veiwekani kei Jiova?
5 iLala Ca: O cei na ilala ca? (1 Kor. 15:33) Rawa vakacava ni vakaleqai keda vakayalo na ilala ca? Na cava o vulica ena ivakaraitaki i Taina?—Vkte. 34:1, 2, 7, 19.
6 iVakaraitaki i Tara: E tarai Tara vakacava na galili? Na cava e vakaiulubaletaka me baleti iratou na nona ilala e koronivuli? Na veitemaki cava e sotava kina? Na cava erau sega kina ni raica nona itubutubu na ituvaki leqataki e sa tiko kina? Erau veisautaka vakacava na nodrau rai me rau vukei Tara kina me bulabula vinaka tale vakayalo? E vakaraitaka vakacava e dua na painia ni itokani dina i Tara? Na cava e bibi kina vei keda na lotu Vakarisito meda muria na ivakasala ena Vakaibalebale 13:20 kei na Jeremaia 17:9? Na ka bibi cava a vulica o Tara?
7 iTinitini: Na cava o vulica ena vidio oqo? O na vukei ira kina vakacava e so tale?—Same 71:17.