Na Cakacaka Cava Sara Mada e Dodonu Meu Vakaliuca?
1 Dau tarogi vakalevu vei ira na gone, “O iko via cava ni o sa qase mai?” So era dau kaya nira via ovisa, qasenivuli, vuniwai, nasi, se painia. Ia ni sa toso nomu yabaki, sa rairai kena gauna oqo mo taroga, ‘Na cakacaka cava sara mada e dodonu meu vakaliuca?’ Cava sa nomu vakatulewa?
2 E dua na ivukevuke yaga mo na vakatulewa kina vakayalomatua na DVD ni isoqosoqo na Young People Ask—What Will I Do With My Life? Sarava mada qai vakasamataka vinaka na veika e tukuni tiko kina, oqo e okati kina na drama, nodra vakatarogi na itabagone, kei na ikuri ni veitarotarogi. Na veika kece oqo o na raica ena “Main Menu.”
3 Na Drama: Ni o sarava tiko na drama, sauma na taro oqo: (1) Na cava erau tautauvata kina o Timoci kei Andre? (Caka. 16:1; 1 Tim. 4:8; 2 Tim. 1:5) (2) Na cava soti e tukuni vei Andre me toroya cake kina nona ivakarau ni qito? O cei e uqeti koya kina? (3) O cei eratou vakasalataki Timoci kei Andre? Cava nodratou ivakasala? (2 Tim. 1:1-4; 3:14, 15) (4) E uqeti Andre vakacava na Maciu 6:24 kei na Filipai 3:8? E uqeti iko vakacava?
4 So na iWasewase ni Drama (Selected Scenes): Ni o sarava oti na drama, raica tale na iwasewase ni drama, qai sauma na taro. “Paula kei Timoci”: Na cava na nona itatau o Paula vei Timoci? (2 Tim. 4:5) “Solia Vei Jiova Nomu Vinaka Kece”: Na cava e so nomu isausau vakayalo? “Totaki Jiova”: Ena kunei e vei na marau dina? “Na iVakasala i Buna”: Na cava e ca kina na via rogo ena vuravura i Setani? (Maciu 4:9) “Sega ni Veivutuni”: Na ka bibi cava mo siqema rawa? Ena yaga vakacava oqori me vakainaki kina nomu bula?—Vkai. 10:22.
5 Vakatarogi (Interviews): Ni o sarava tiko na iwasewase oqo, na cava o raica ena ka o sarava tiko oqori mo na solia kina vei Jiova nomu vinaka kece? (2) “Vakaliuca na Veika Tawayaga ni Vuravura Oqo se Vakaliuca na Kalou?” (1 Joni 2:17) (2) “Ka Mo Cakava Mo Marautaka Kina na Cakacaka Vakavunau” (Same 27:14); kei na (3) “Dola Tu na Katuba ni Veiqaravi.”—Maciu 6:33.
6 Rai Lesu (Looking Back): Sauma mada. (1) Cava erau a cakava tu na tacida erau vakatarogi? Baleta na cava? (2) Na cava erau sa bau rawata kina? (3) Na cava e qai veisautaki rau? (2 Kor. 5:15) (4) Na cakacaka cava e sosomitaka na ka erau a cakava tu eliu? Na cava erau nanuma kina ni sega ni rawa ni rau cakava ruarua—na veika erau a cakava tu eliu kei na qaravi Jiova? (5) Rau veivutuni beka? (6) Na cava erau kaya e uqeti iko sara ga mo vakasamataka kina na ka mo na cakava ena nomu bula?
7 iKuri ni Veitarotarogi (Supplementary Interviews): Ena lima na iwasewase oqo, na cava o vulica mo na qaravi Jiova vinaka kina? (1) “Na Bibi ni Vuli Vakataki Keda,” (2) “Duidui Sala Mo Vunau Kina,” (3) “Veiqaravi e Peceli,” (4) “Koronivuli e Kiliati,” kei na (5) “Koronivuli ni Vuli ni Veiqaravi Vakaitalatala.”—Railesuva na “Index to Published Information on Related Subjects,” qai wilika na tikina o taleitaka.
8 Vakaevei, o sa rawa ni vakatulewataka na cakacaka mo vakaliuca? A uqeti Timoci na yapositolo o Paula: “Mo dauvakananuma na veika oqo; me ra rawai iko sara; me rairai kina ni ko sa vuku cake mai e na ka kecega.” (1 Tim. 4:15) O uqeti mo cakava na veika e tukuna oqo o Paula ena ka o sarava se rogoca ena DVD. Kerei Jiova me vakalougatataki iko ena nomu vakatulewa mo na vakila kina na marau dina kei na vinaka ena gauna oqo, kei na veigauna tawamudu sa tu eliu.
[Kato ena tabana e 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
To navigate around the menus, use the Next ▶, ◀ Back, and Main Menu buttons.