Kato ni Taro

◼ Me rau ripotetaka ruarua na itubutubu na gauna e vakayagataki ena vuli vakavuvale?

Dina ni nona itavi sara ga o tama me vakavulici ira na gone “e na vunau kei nai vakavuvuli ni Turaga [Jiova],” ia na itubutubu ruarua me rau veivakavulici. (Efeso 6:⁠4) E vakauqeti ira na gone na iVolatabu: “Na luvequ, mo vakarorogo ki nai vakavuvuli i tamamu, ka mo kakua ni biuta na vunau i tinamu.” (Vkai. 1:⁠8) Dua na tiki bibi ni nodra veivakavulici na itubutubu na vuli iVolatabu vakavuvale.

Ena veigauna sa sivi na itubutubu ga e taura na vuli iVolatabu kei ratou nona vuvale oka kina o ira na gone se bera ni papitaiso e dau ripotetaka na gauna, kevaka sara mada ga rau vakaitavi ruarua na itubutubu ena vakamacala. Ia qo sa veisau. Kevaka rau vakaitavi ruarua na itubutubu ena nodra vakavulici na gone ena vuli vakavuvale, e rawa ni rau ripotetaka ruarua e dua na aua ena dua na macawa. Dina ni na sivia na dua na aua nodra vakavulici na gone e veimacawa, e gadrevi vakalevu na sasaga vei rau ruarua na itubutubu. (Vkru. 6:​6-9) Ia e dodonu me vakavotui ena ripote ni cakacaka e veivula na veika e rawati ena yalava. Koya gona, ke sivia na dua na aua na veivakavulici, caka vakavica ena dua na macawa, se ratou vakavulici yadudua na gone, ena ripotetaki e dua ga na aua. Dua ga na itubutubu ena ripotetaka na vuli iVolatabu vakavuvale qai dua na veisikovi lesu ena veimacawa e caka vuli kina ena vula ya.