Ka mo Kaya me Baleta na Mekesini

Yadra! Janueri-Maji

“Oni nanuma beka ni dodonu me beitaki o lotu ena levu ni leqa e yaco tu nikua? [Waraka me sauma.] Raica mada na ka e tukuna na iVolatabu me baleti ira e levu era tukuna tiko nira qarava na Kalou. [Wilika Taito 1:16.] Na mekesini qo e vakamacalataka ni so na leqa e tarai vuravura tu nikua e vakavuna tiko o lotu lasu.” Vakamacalataka na ulutaga e tekivu ena tabana e 4.

Na Vale ni Vakatawa 1 Maji

“E levu tu na rai e veisaqasaqa me baleti Jisu. Oni raici koya beka me luve ni Kalou se dua ga na tamata vinaka?” Waraka me sauma. Drau qai wilika vata na ivakamacala ena ruku ni dua na taro e kata na rokana ena tabana e 16-​17 kei na dua na tikinivolatabu e sega ni lavetaki. Solia na mekesini, qai tuvanaka na siga mo drau na veivosakitaka kina na isau ni taro e tarava.

Na Vale ni Vakatawa 1 Epereli

“E levu e duidui na ka era vakabauta me baleti Jisu. Oni nanuma ni bibi meda kila na ka dina me baleti koya? [Waraka me sauma. Wilika Joni 17:⁠3.] E vakamacalataki ena mekesini qo na ka e tukuna na iVolatabu me baleti Jisu​​—⁠e lako mai vei, na veika e cakava, kei na vuna e mate kina.”