Vakatutu

Me Tauyavu Kina na Vuli iVolatabu ena iMatai ni Vakarauwai ena Me

“Oni bau vakasamataka se cava e vakatara tiko kina na Kalou na ca kei na rarawa?” [Waraka me sauma.] Au via vakaraitaka vei kemuni e dua na ka vakavure vakasama me baleta na ulutaga qo. Drau wilika vata na ivakamacala ena imatai ni taro ena tabana e 16 ena itabataba ni Vale ni Vakatawa ni 1 Me kei na dua na tikinivolatabu e sega ni lavetaki. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Me

Wilika Same 37:10, 11, qai kaya: “Oni nanuma ni sa voleka ni vakayacori dina na yalayala qo? [Waraka me sauma.] E vakamacalataki ena mekesini qo e ono na parofisai ena iVolatabu sa vakayacori tiko nikua, e vakaraitaka ni sa voleka sara ni vakayacori na yalayala e tukuni ena Same 37:10,11.”

Yadra! Epereli-June

“Ni levu era tauvimate, au via vakaraitaka kina vei kemuni na tikinivolatabu veivakauqeti qo. [Wilika Aisea 33:24.] Na cava ena duidui kina na bula ni sa na vakayacori na parofisai qo? [Waraka me sauma.] Ni bera ni vakayacora na Kalou na veisau, eso na ka eda rawa ni cakava meda bulabula kina. E vakamacalataki qori ena mekesini qo.”