Kato Ni Taro

◼ Me vakacava na dede ni noda vuli iVolatabu kei na dua e sa toso vinaka tiko na nona vuli?

E vinaka meda vuli iVolatabu tiko ga kei na dua e sa toso vinaka tiko na nona vuli me yacova ni sa oti e rua na ivola—Na Cava Sara Mada e Kaya na iVolatabu? kei na “Tiko ga ena Loloma ni Kalou.” Ke sa papitaiso mada ga ni se bera ni oti na rua na ivola qori, me tomani tiko ga na vuli. Ni papitaiso oti, e se rawa ga ni ripotetaki na gauna, na veisikovi lesu, kei na vuli iVolatabu. Ke tomani iko e dua tale na dautukutuku, e rawa ni ripotetaka tale ga na gauna ke vakaitavi.—Raica na Noda Cakacaka Vakaitalatala ni Maji 2009, tabana e 2.

E bibi mera vakataudeitaki rawa ena dina na ka vou, me qai cegu na noda vuli vata kei ira. Me ‘ti sara na wakadra’ vei Karisito ra qai “tudei ena vakabauta” me rawa nira dei nira vakatovolei. (Kolo. 2:6, 7; 2 Tim. 3:12; 1 Pita 5:8, 9) Me rawa ni laulau na nodra veivakavulici, e dodonu “mera kila tale ga na ka dina.” (1 Tim. 2:4) Nida vulica kei ira na noda gonevuli na rua na ivola e tukuni e cake, eda sa vukei ira tiko mera muria dei “na sala e basika ina bula.”—Maciu 7:14.

Ni bera nira vakadonuya na qase ni ivavakoso me papitaiso e dua, mera vakadeitaka e liu ni sa kila vinaka na yavu ni ivakavuvuli ena iVolatabu qai salavata kei na ivakavuvuli qori na nona ivakarau ni bula. Mera vakatulewa tale ga vakamaqosa ke se bera ni otiva o gonevuli na imatai ni ivola me vulici. Ke se sega ni ganiti koya me papitaiso, era na tuvanaka na qase na sala me vukei kina me rawa ni qai papitaiso ena dua tale na gauna.—Raica na ivola iSoqosoqo e Cakava na Loma i Jiova, tabana e 216-218.

[Kato ena tabana e 2]

E bibi mera vakataudeitaki rawa ena dina na ka vou