Vukei Ira Mera “Tudei ena Vakabauta”

E vakasakiti dina meda raica na nona vakalougatataka tiko o Jiova na nodra kumuni mai na tamata, qo nodra papitaiso e veiyabaki e sivia na 250, 000. (Vkru. 28:2) Ni oti ga nona vukei gonevuli me papitaiso, sa dau matau ga vei qasenivuli me tinia na nodrau vuli me rawa ni vukea eso tale. De dua ena vinakata tale ga o gonevuli me tini nodrau vuli me rawa ni vakayagataka e levu na gauna ena cakacaka vakaitalatala. Ia e bibi vei gonevuli me yavutaki vinaka ena ka dina. E bibi ‘me ti sara na wakana’ vei Karisito me qai “tudei ena vakabauta.” (Kolo. 2:​6, 7; 2 Tim. 3:12) Koya gona, ni sa papitaiso oti e dua na gonevuli, e dodonu me tomana tiko ga nona vulica na iVolatabu me yacova ni sa vakaotia ruarua na ivola Kaya na iVolatabu kei na “Loloma ni Kalou.”​—Raica na Noda Cakacaka Vakaitalatala ni Epereli 2011, tabana e 2.